काठमाडौं (हाम्रो खेलकुद)– अभिषेक चर्च नवलपरासीले रुस्लान जावलाखेल कप भेट्रान्स फुटबल प्रतियोगिताको उपाधि जितेको छ । जावलाखेल मैदानमा शनिबार भएको फाइनलमा बगरभाई खलक पोखरालाई टाइब्रेकरमा ३–१ ले हराउँदै अभिषेक चर्चले उपाधि जितेको हो ।

निर्धारित समय गोलरहित बराबरीमा टुंगिएपछि खेलको निर्णयक टाइब्रेकरमा भएको थियो । फाइनलमा विजयी टोलीका जीतबहादुर तामाङ म्यान अफ दी म्याच घोषित भएका थिए ।
उपाधिसहित अभिषेक चर्चले १ लाख रुपैयाँ र बगरभाई क्लबले ५० हजार रुपैयाँ प्राप्त गर्यो । त्यसअघि सेमिफाइनलमा बगरभाई खलकले सानो गौचरन नाइट किङग क्लबलाई तथा अभिषेक चर्चले हिमालयन शेर्पालाई समान २–१ ले हराउँदै एकअर्कासँगको भेट पक्का गरेका थिए ।
बगरभाई खलकका धनकुमार गुरुङ प्रतियोगिताको सर्वोत्कृष्ट खेलाडी घोषित भए । बगरभाई खलकै रविन शाही उत्कृष्ट गोलकिपर, अभिषेक चर्चका जीतबहादुर पुन उत्कृष्ट रक्षक, बगरभाई खलकका हिमाल थापा उत्कृष्ट मिडफिल्डर, अभिषेक चर्चका चक्र पुन उत्कृष्ट स्ट्राइकर घोषित भए । उत्कृष्टले समान ५ हजार रुपैयाँ प्राप्त गरे । सानो गौचरन नाइट किङग क्लब फेयर प्ले टिम घोषित भएको थियो ।
स्वास्थ्य मन्त्री गगन थापालगायतले विजेता, उपविजेता टोलीका खेलाडीलाई पुरस्कृत गरे । जावलाखेल युथ क्लबको आयोजना जावलाखेल डिस्टिलरीको मुख्य र बुद्ध एयरको सह प्रायोजनमा चार दिन सञ्चालित प्रतियोगितामा १४ टोलीको सहभागिता थियो ।