6 months ago
June 12, 2024
काठमाडौं (हाम्रो खेलकुद) – सहिद स्मारक सि डिभिजन लिगको उपाधि जित्ने टोलीको टुंगो आज लाग्दै छ । लिग सिजनको अन्तिम दिन आज बागमती युथ क्लब र आरसी ३२ फुटबल एकेडेमी मध्य एक टोलीले उपाधि जित्ने पक्का हुने छ ।
आज दिनको ३ बजे दुवै उपाधि दावेदार टोली मैदान उत्रिने छन् । एन्फा कम्प्लेक्स सातदोबाटोमा बागमतीले पुल्चोक स्पोर्ट्स क्लबको सामना गर्नेछ भने आर्मी शारीरिक तालिम तथा खेलकुद केन्द्र लगनखेलमा आरसी ३२ले सानेपा क्लब विरुद्ध खेल्नेछ ।
बागमतीको १२ खेलमा ९ जित, २ बराबरी र १ हारसहित २९ अंक रहेको छ । दोस्रो स्थानको आरसी ३२ को १२ खेलमा ८ जित, २ बराबरी र २ हारसहित २६ अंक छ ।
बागमतीका लागि लिग जित्नका लागि बराबरी नै पर्याप्त हुनेछ । उता आरसी ३२ ले लिग उपाधि उचाल्नका लागि भने बागमतीको हार आवश्यक हुनेछ भने आफ्नो खेलमा जित दर्ता गर्नु पर्नेछ । अंक बराबरीमा भएको खण्डमा हेड-टू-हेडमा आरसी ३२ ले उपाधि जित्नेछ ।
आरसी ३२ एन्फाले अंक घटाउँदा समेत यो स्थानमा रहेको छ । अयोग्य खेलाडी खेलाएको भन्दै एन्फाले आरसी ३२ को ४ अंक घटाएको थियो । आरसी ३२ ले स्वयम्भू क्लब विरुद्ध हासिल गरेको १-० को जित र सामाजिक युथ क्लब विरुद्ध खेलेको गोलरहित बराबरी गरी हासिल गरेको ४ अंक एन्फाले खोसेको थियो ।
दुवै टोलीले शीर्ष दुईमा आफ्नो स्थान पक्का गर्दै आउँदो सिजनको बी डिभिजनमा आफ्नो स्थान पक्का भने गरिसकेका छन् । उता गोलबजार स्पोर्ट्स क्लब र रानीवान स्पोर्ट्स क्लब रेलिगेसनमा परिसकेका छन् ।
November 26, 2024
हिमाल खरेल,बिर्तामोड मोफसलको चर्चित फुटबल क्लब झापा ११ एफसीको आयोजनामा हुन लागेको बिर्तामोड झापा कप नजिकिँदै जाँदा खेल मैदानको स्तरोन्नति धमाधम भइरहेको छ । यसै महिनाको अन्त्यमा सुरु अन्तर्राष्ट्रिय आमन्त्रण फुटबल प्रतियोगिताका लागि बिर्तामोड–३ मा रहेको डोमालाल राजवंशी रंगशालाको स्तरोन्नति र मर्मत धमाधम भइरहेको झापा ११ एफसीका अध्यक्ष जलकुमार गुरुङले जानकारी दिए । प्रतियोगिता मंसिर […]
November 26, 2024
एजेन्सी – क्रिस्टियानो रोनाल्डोले २ गोल गरेको एएफसी च्याम्पियन्स लिग इलाइटको खेलमा साउदी क्लब अल नासरले कतारी क्लब अल घराफालाई ३-१ ले पराजित गरेको छ। अल घराफाको मैदानमा सोमवार भएको खेलमा अल नासरको लागि अर्को एन्जेलो गाब्रियलले गरे । घराफाका जोसेलुले गरेको गोल गरे । दोस्रो हाफको पहिलो मिनेटमा रोनाल्डोले गोल गर्दै टोलीलाई अघि बढाए। […]
November 25, 2024
काठमाडौं (हाम्रो खेलकुद)- अखिल नेपाल फुटबल संघ (एन्फा) ले सहिद स्मारक ‘बी’ डिभिजन लिगको मिति सार्वजनिक गरेको ४ दिनपछि १४ मध्ये १० क्लबले एकलौटी निर्णय लाद्न खोजेको आरोप लगाएका छन्। ३ वर्षअघिको बी लिगको बक्यौता रकम नपाएसम्म लिग नखेल्ने उनीहरुले सामूहिक रुपमा अडान राख्दै प्रेस विज्ञप्ति जारी गरेका छन्। मंसिर ६ गते एन्फा र क्लबका […]