सिमरा (हाम्रो खेलकुद)– गत साता आहा रारा गोल्डकपको फाइनल खेलेको सहारा क्लब पोखरालाई १–० ले हराउँदै वीरगन्ज युनाईटेड क्लब सिमरामा जारी रुस्लान आठौं सिमरा गोल्डकपको क्वार्टरफाइनलमा पुगेको छ । सिमरा रंगशालामा शनिबार विकास राईको गोलमा वीरगन्जले जित हासिल गरेको थियो ।

सहाराको रंक्षापंक्ती सम्हालिन नपाउदै खेलको दुई मिनेटमा बिकासले गोल गरे । डिबक्सभित्रबाट बिकासले प्रहार गरेको सहाराका कप्तान सुसन गुरुङको खुट्टामा लागेर गोल भएको थियो । बिकासको प्रहार रोक्न सुसन असफल देखिए । खेलको सुरुवातमै गोल खाएपछि दबावमा देखिएको सहारामा तालमेलको अभाव देखिन्थयो ।

एकेडेमीका तीन खेलाडीसहित मैदानमा उत्रिएको सहाराले वीरगन्जविरुद्ध पहिलो हाफमा केही अवसर बनाएपनि सदुपयोग गर्न सकेन । सहाराको फिनिसिङमा तालमेलको अभाव खड्कियो । खेलमा अग्रता लिएपछि पहिलो हाफमा वीरगंज हावी भयो । सुरुवातदेखी आक्रामक खेल खेलेको वीरगन्जले खेलको ३३ औं मिनेटमा कप्तान अमर डंगोलको पासलाई बिकास राईले फितलो प्रहार गरे । डिबक्सभित्रको बलमा उनको प्रहार पोष्ट नजिकैबाट बाहिरियो ।

पहिलो हाफको अन्तिम समयमा पाएको तीन वटा उत्कृष्ट अवसर वीरगन्जले चुकायो । खेलको दोस्रो हाफमा सहाराले सुधारिएर प्रदर्शन गरेपनि स्कोर गर्न नसक्दा पराजय भोग्न पुग्यो । दोस्रो हाफमा सहाराले वीरगन्जलाई दवावमा राख्दै बनाएको थुप्रै अवसर चुकाउन पुग्दा हार आत्मसाथ गर्न बाध्य भयो ।

सहाराका सहायक प्रशिक्षक दिपेश योञ्जनले खेलाडीबिच तालमेल नमिल्दा पराजय भोग्न पुगेको बताए । दोस्रो हाफमा केही सुधारिएर प्रदर्शन गरेपनि गोल गर्ने अवसर चुकाउदा पराजय भोगेको योञ्जनले बताए । वीरगन्जका प्रशिक्षक सुलभजंग राणाले जितबाट सन्तुष्ट हुन नसकेको बताए । सहाराविरुद्ध पहिलो हाफ राम्रो खेलेपनि दोस्रो हाफमा खेलाडीले तालमेल बनाउन नसकेको उनको भनाई थियो । खेलको म्यान अफ दि म्याच वीरगन्ज रजिन सुब्बा घोषित भए । उनले पाच हजार नगद प्राप्त गरे ।

रुस्लान सिमरा गोल्डकपमा आइतबारको खेल
प्राइम पोलिक्लिनिक बिजय युथ क्लबविरुद्ध र सरस्वती युथ क्लब