3 months ago
June 1, 2024
एजेन्सी – तनावपूर्ण बनेको खेलमा अल नासरलाई पराजित गर्दै साउदी प्राे लिग च्याम्पियन अल हिलाल किङ्स कपको च्याम्पियन बनेको छ ।
९ खेलाडीमा समेटिएको अल हिलालले १० खेलाडीमा समेटिएको अल नासरलाई सडन डेथमा ५–४ ले पराजित गर्दै किङ्स कपको च्याम्पियन बन्न सफल भएको हो ।
निर्धारित समयमा १–१ गोलको बराबरी र अतिरिक्त समयमा थप गोल निस्कन नसकेपछि खेल टाइब्रेकर हुँदै सडनडेथसम्म लम्बिएको थियो । जसमा साउदी प्रो लिग च्याम्पियन अल हिलालले बाजी मार्न सफल भयो ।
अल हिलालका एलेक्सान्दर मित्रोभिच, मोहमेद कानो, हसन टमबाक्टी, अब्दुल्लाह अल हम्दान र नासेर अल दासरीले गोल गर्न सफल भए । रुवेन नेभेस र साउद अब्दुल हामिदले गोल गर्न सकेनन् ।
अल नासरमा रोनाल्डो, सामी अल नाजेई, अब्दुल रहमान घारिव र अली लजामीले गोल गर्दा एलेक्स टेलास, अली अल हसन र मेसरी अल नेमेरले गोल गर्न सकेनन् ।
त्यसअघि किङ अब्दुल्लाह स्पोर्ट्स सिटी जेदामा शुक्रबार राति भएको खेलको सातौं मिनेटमा एलेक्सान्दर मित्रोभिचको गोलबाट अल हिलालले अग्रता लिएको थियो । तर, निर्धारित समय सकिन दुई मिेनट बाँकी रहँदा एमन अहमेदले गोल गर्दै खेललाई लम्ब्याए ।
५६औं मिनेटमा अल नासर १० खेलाडीमा समेटिन पुग्यो । आफ्नो क्षेत्र बाहिर आएर हातले बल छोएपछि गोलरक्षक डेभिड ओस्पिना सिधै रातो कार्ड खाँदै मैदानबाट बाहिरियो ।
खेलको अन्तिम तीन मिनेट भने नाटकीय र तनावपूर्ण बन्यो । ८७औं मिनेटमा अल हिलाल पनि १० खेलाडीमा समेटियो । हिंसात्मक आचरणका कारण अली अल बुलाहीलाई रेफ्रीले सुरुमा पहेलो र त्यसपछि रातो कार्ड देखाएर मैदान बाहिर पठाए ।
त्यसको एक मिनेटपछि एमन अहमेदले गोल गर्दै खेललाई १–१ गोलको बराबरीमा ल्याए । ९०औं मिनेटमा अल हिलाल ९ खेलाडीमा समेटिन पुग्यो । कालीडो कोलीबाली दोहोरो पहेलो कार्ड खँदै मैदानबाट बाहिरिए । तर, त्यसको फाइदा अल नासरले अतिरिक्त समयमा उठाउन सकेन ।
यससँगै अल नासर यो सिजन उपाधि विमुख बन्यो । साउदी प्रो लिगमा पनि अल हिलालसँग नै पछि पर्यो । अल हिलालले भने यो सिजन तीन उपाधि जित्न सफल भयो । अल हिलालले यसअघि प्रो लिग र सुपर कपको उपाधि जितेको थियो । साउदीमा राेनाल्डाेले उपाधि जित्न सकेकाे छैन ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]