8 months ago
May 22, 2024
एजेन्सी – युइएफए युरोपा लिगको उपाधिका लागि आज राति अपराजित जर्मन क्लब बायर लेभरकुसेन र इटालियन क्लब एटालान्टा भिड्दैछन् । खेल आयरल्याण्डको डब्लिनस्थित अविभा स्टेडियममा राति १२ः४५ बजे सुरु हुनेछ ।
यसै सिजन इतिहासमा पहिलो पटक जर्मन लिग बुण्डेस्लिगाको उपाधि जितेको लेभरकुसेन सिजनभर अपराजित रहेको छ । लिगको ३४ मध्य २८ खेल जितेको लेभरकुसेन यूरोपा लिगमा समेत कुनै खेलमा पराजित भएको छैन भने जर्मन कपको फाइनलमा समेत पुग्न सफल रहेको छ । लेभरकुसेन ऐतिहासिक अपराजित ट्रेबल सिजन पूरा गर्न दुई जित टाढा छ ।
यसैले प्रशिक्षक जाबी अलोन्सोको टोलीका लागि सबैभन्दा ठूलो बाँकी चुनौती सिजनको ५२औ खेल यूरोपा लिग फाइनल रहेको छ ।
युरोपा लिग लेभरकुसेनका लागि नियमित नाटकिय नै रहेको छ । नकआउट चरणका ६ मध्य ३ खेलमा लेभरकुसेन दोस्रो हाफमा दुई गोलले पछि रहेपनि बराबरी गर्दै अपराजित यात्रा सुरक्षित राखेको छ । अन्तिम १६मा काराबाग विरुद्धको दोस्रो लेग र सेमिफाइनलमा रोमा विरुद्धको दोस्रो लेगमा अन्तिम समयमा गोल गर्दै खेल बराबरी गरेको थियो ।
उता एटालान्टा भने इटालियन सेरी ए तालिकाको पाचौँ स्थानमा रहेको छ । लिगको पाचौँ स्थानको टोली समेत अर्को सिजन च्याम्पियन्स लिग खेल्ने हुँदा एटालान्टा लिगमा पाँचौं स्थान पक्का गर्न धेरै नजिक रहेको समेत छ ।
यस सिजन अघि, यी दुई टोलीले केवल तीनवटा ट्रफीहरू जितेका थिए: एटलान्टाको इटालियन कप १९६३ र लेभरकुसेनको १९८८ युइएफए कप – युरोपा लिगको अग्रदूत – र १९९३ मा जर्मन कप ।
लेभरकुसेनको फाइनल यात्रा:
समूह चरण :
लेभरकुसेन ४-० ह्याकेन
मोल्डे १-२ लेभरकुसेन
लेभरकुसेन ५-१ काराबाग
काराबाग ०-१ लेभरकुसेन
ह्याकन ०-२ लेभरकुसेन
लेभरकुसेन ५-१ मोल्डे
राउन्ड अफ १६:
काराबाग २-२ लेभरकुसेन
लेभरकुसेन ३-२ काराबाग (समग्रमा ५-४ले विजयी)
क्वार्टर फाइनल:
लेभरकुसेन २-० वेस्ट ह्याम
वेस्ट ह्याम १-१ लेभरकुसेन (समग्रमा १-३ले विजयी)
सेमिफाइनल:
रोमा ०-२ लेभरकुसेन
लेभरकुसेन २-२ रोमा (समग्रमा ४-२ ले विजयी)
एटालान्टाको फाइनल यात्रा:
समूह चरण:
एटालान्टा २-० राको
स्पोर्टिंग सिपि १-२ एटालान्टा
स्ट्रम ग्राज २-२ एटालान्टा
एटालान्टा १-० स्ट्रम ग्राज
एटालान्टा १-१ स्पोर्टिङ सीपी
राको ०-४ एटालान्टा
राउन्ड अफ १६:
स्पोर्टिंग सिपि १-१ एटालान्टा
एटालान्टा २-१ स्पोर्टिंग सिपि (समग्रमा ३-१ले विजयी)
क्वार्टर फाइनल:
लिभरपुल ०-३ एटालान्टा
एटालान्टा ०-१ लिभरपुल (समग्रमा ३-१ले विजयी)
सेमिफाइनल:
मार्सेल १-१ एटालान्टा
एटालान्टा ३-१ मार्सेल (समग्रमा ४-१ले विजयी)
January 15, 2025
हिमाल खरेल,बिर्तामोड झापा गोल्ड कप कार्यसमितिको सबै पदमा सर्वसम्मत भएको छ । आज बिहान सहजकर्ताहरुबीच भएको छलफलपछि बाँकी पदमा पनि सर्वसम्मत भएको हो । कोषाध्यक्षमा युवराज निरौलाले उम्मेदवारी फिर्ता लिएपछि चन्द्रमणि कट्टेल सर्वसम्मत भएका छन् । त्यस्तै, सहसचिवमा यादव पोखरेलले उम्मेदवारी फिर्ता लिएपछि विष्णु सिग्देल सर्वसम्मत भएका छन् । त्यस्तै, सदस्यहरुमा श्याम श्रीवास्तव, किरण थापा, […]
January 15, 2025
एजेन्सी – म्यानचेस्टर सिटीले २-० को अग्रता जोगाउन नसक्दा इंग्लिस प्रिमियर लिगमा मंगलवार अंक बाढेको छ। अन्तिम १० मिनेटमा दुई गोल फर्काउँदै ब्रेन्टफोर्डले सिटीलाई २-२ को बराबरीमा रोकेको हो । सिटीका लागि दुवै गोल फिल फोडेनले गरे। पहिलो गोल ६६ औं मिनेटमा गरेका फोडेनले अर्को ७८ औं मिनेटमा गरे। ब्रेन्टफोर्डका योआने विसाको ८२ औं मिनेटमा […]
January 15, 2025
एजेन्सी – इंग्लिस प्रिमियर लिगको शीर्ष स्थानको लिभरपुलले नटिङघम फरेस्टसँग बराबरीमा खेलेको छ। अंक तालिकाको दोस्रो स्थानमा रहेको नटिङघम मंगलवार लिभरपुलसँग १–१ को बराबरीमा रोकको हो। नटिङघमले खेलमा लिएको अग्रता जोगाउन सकेन। आठौं मिनेटमा क्रिस उडको गोलबाट नटिङघमले अग्रता लियो । लिभरपुलका लागि डिएगो जोटाले ६६ औं मिनेटमा बराबरी गोल फर्काए । यो नतिजापछि शीर्षमा लिभरपुलको छ […]
