दिपक बाोहोरा
झापा – झापा दोस्रो नकआउट फुटबल प्रतियोगिताको उपाधि नजिक पुगेको छ । आयोजक समेत रहेको झापा शुक्रबार हिमालयन शेर्पा क्लबलाई ४–० ले हराउँदै रमपम दोश्रो झापा गोल्डकप फुटबल प्रतियोगिताको फाइनलमा पुगेको हो ।

लक्ष्मी हुन्डाई मनाङ मस्याङ्दी र त्रिभुबन आर्मी क्लबबीचको विजेता संग झापाले माघ २४ गते फाइनल खेल्नेछ । गत महिना झापाले काँकरभिट्टा गोल्डकपको उपाधि जितेको थियो । झापाको जितमा कर्ण लिम्बुले २, बुद्ध चेम्जोङ र खमिर गिल्सन कन्दङवाले समान १ गोल गरे ।
डोमलाल रंगशालामा २७ औं मिनेटमा कर्णले पहिलो गोल गरेका थिए । अन्तिम ११ मिनेटमा ३ गोल थप्दै झापाले फाइनल यात्रा सहज बनाएको थियो । कर्णले ७९ औं मिनेटमा अर्को गोल थपे । बुद्धले ८७ औं मिनेटमा टोलीका लागि तेस्रो गोल गरे । खेल सकिन १ मिनेट बाकी रहदा खमिर गिल्सनले गोल गरे । अघिल्लो महिना काँकर भिट्टा गोल्डकपमा पनि हिमालयन शेर्पा झापासँग पराजित भएको थियो । कर्ण खेलको म्यान अफ दी म्याच चुनिए र उनले ७ हजार रुपैयाँ प्राप्त गरे ।
आयोजक झापा ११ आफ्नो पहिलो खेलमा कालेम्पुङको शेर क्लब माथि ५–० को जित निकाल्दै र क्वाटर फाइनलमा सुदुर पश्चिम स्र्पोट क्लबलाई ४–० को फराकिलो जित निकाल्दै सेमिफाइनलको यात्रा तय गरेको थियो । हिमालय शेर्पा क्लब बिभागीय टिम एफिएफ क्लबलाइ हराउदै सेमिफाइनल प्रबेश गरेको हो ।

रमपम झापा गोल्डकपमा शनिबार दोस्रो सेमिफाइनल
मनाङविरुद्ध आर्मी