एजेन्सी – इंग्लिस प्रिमियर लिगको २०२३/२४ सिजनको उपाधिका लागि महत्वपूर्ण खेलमा आज म्यानचेस्टर सिटीले टोटेनहम हटस्परको घरेलु मैदानको यात्रा गर्दैछ । खेल आज राति १२:४५ बजे टोटेनहम हटस्पर स्टेडियममा सुरु हुनेछ ।

लगातार चार पटक उपाधि जित्ने लक्ष्यमा रहेको सिटीलाई आजको खेल जित्नै पर्ने दबाब छ । दोस्रो स्थानमा रहेको सिटी आर्सनल भन्दा १ अंकले पछि छ । ३७ खेलमा आर्सनलको ८६ अंक छ । सिटीको ३६ खेलमा ८५ अंक छ ।

सिटीले आजको खेलमा बराबरी मात्र नै गर्ने हो भने आर्सनल नै गोल अन्तरका आधारमा शीर्ष स्थानमा रहने छ । टोटेनहमसँग सिटी बराबरीमा रोकिए र आर्सनलले आफ्नो अन्तिम खेलमा एभर्टनलाई पराजित गरेको खण्डमा सन् २००३ पछि पहिलो पटक पटक लिग उपाधि जित्नेछ ।

उता सिटीको दाउ लगातार चार पटक उपाधि जित्ने छ । आज सम्म प्रिमियर लिगको इतिहासमा कुनै टोलीले पनि लगातार चार उपाधि जितेको छैन ।

आर्सनल र टोटेनहम चिर प्रतिद्वन्दी रहेका छन् । आर्सनललाई आज आफ्नो ठूलो प्रतिद्वन्दीको सहायताको आवश्यकता रहेको छ । त्यसकारण पनि आजको खेल निकै महत्वपूर्ण मानिएको छ ।

टोटेनहम पनि शीर्ष चारमा रहँदै च्याम्पियन्स लिगमा छनोट हुन चाहन्छ । पाँचौं स्थानमा रहेको टोटेनहमको ३६ खेलमा ६३ अंक छ । चौथो स्थानको एस्टन भिल्लाको ३७ खेलमा ६८ अंक छ । त्यसैले च्याम्पियन्स लिगमा छनोट हुने सम्भावना कायम राख्नका लागि पनि टोटेनहमलाई जित आवश्यकता छ ।