आरसी ३२ शीर्ष स्थानमा

काठमाडौं (हाम्रो खेलकुद) – सहिद स्मारक सि डिभिजनको सातौं चरणको पहिलो खेलमा जित दर्ता गर्दै आरसी ३२ फुटबल एकेडेमी तालिकाको शीर्ष स्थानमा उक्लिएको छ । बुधवार एन्फा कम्प्लेक्समा भएको खेलमा आरसी ३२ ले स्पोर्ट्स एकेडेमी साँगालाई २-० ले पराजित गरेको हो ।

आरसी ३२ को जितमा सुजन बलम्पाकी मगर र सञ्जय सुब्बाले समान १-१ गोल गरे । पछिल्लो समय अयोग्य खेलाडी खेलाएको भन्दै विवादमा मुछिएपनि आरसी ३२ ले उच्च लय कायम राखेको छ ।

आईटी सँगै आरसी ३२ को ७ खेलमा १६ अंक रहेको छ । यस्तै पराजित सागाको भने ७ खेलमा ९ अंक रहेको छ ।

बुधवार नै भएको दोस्रो खेलमा झम्सिखेल युथ क्लबले स्वयम्भू क्लबविरुद्ध १-० को जित निकाल्यो । झम्सिखेलका लागि खेलको एकमात्र गोल अविनाश चौधरीले गरे ।

जित सँगै झम्सिखेलको ७ खेलमा १० अंक रहेको छ भने स्वयम्भूको ७ खेलमा २ अंक मात्र रहेको छ ।

सि डिभिजनमा बिहीबार हुने पहिलो खेलमा समाज कल्याण स्पोर्ट्स सेन्टर र गोलबजार स्पोर्ट्स क्लब भिड्ने छन् भने दोस्रो खेलमा सामाजिक युथ क्लब र मनोहरा युनाइटेड युथ क्लब भिड्ने छन् ।

Latest News

Popular News

फुटबल

तामाङले मुख्य प्रशिक्षक पद त्यागे

नेपाललाई हराउँदै बंगलादेश लगातार दोस्रो पटक च्याम्पियन

फाइनलको पहिलो हाफ गोलरहित

चर्चित खेलहरु:

उपयोगी लिङ्कहरू

सम्पर्क

सामाजिक संजाल