एजेन्सी – रेलिगेसन जोनमा रहेको बर्नली विरुद्ध बराबरी खेलेको म्यानचेस्टर युनाइटेडले पाँचौं स्थानमा रहेको टोटेनहम हटस्पर सँग अंकदूरी घटाउने मौका गुमाएको छ ।

इंग्लिस प्रिमियर लिगमा शनिबार भएको खेलमा युनाइटेड र बर्नलीले १-१ को बराबरी खेलेका हुन् । दोस्रो हाफमा नै लिएको अग्रता अन्त्यसम्म बचाउन नसक्दा युनाइटेड बराबरीमा रोकिएको हो ।

७९औं मिनेटमा डिफेन्समा भएको गल्ती सँगै बर्नलीले गोल खान पुगेको थियो । एन्टोनीले बर्नलीको हाफमा बल लिएर आफैले गएर गोल गर्दै खेलमा अग्रता दिलाएका थिए ।

तर ८७औं मिनेटमा युनाइटेडले पेनाल्टी मार्फत गोल खान पुग्यो । गोलरक्षक आन्द्रे ओनानाले गरेको फाउलका कारण पाएको पेनाल्टीमा बर्नलीका जेकी आमडुनीले गोल गर्दै खेलमा बराबरी गरे ।

बराबरीपछि छैठौं स्थानमा नै रहेको युनाइटेडको ३४ खेलमा ५४ अंक छ । बर्नली भने ३५ खेलमा २४ अंक सहित १९औं स्थानमा छ ।

यस्तै सोही समयमा भएका खेलमा न्यूक्यासल युनाइटेड र वल्भस विजयी भएका छन् । फूलह्याम र क्रिस्टल प्यालेसले १–१ बराबरी खेलेका छन् । दिनको पहिलो खेलमा लिभरपुल र वेस्ट ह्यामले २–२ बराबरी खेले । न्युक्यासलले सेफिल्ड युनाइेडलाई ५–१ ले, वल्भसले लुटन टाउनलाई २–१ ले हराएको थियो ।