दिपक बोहोरा
झापा – लक्ष्मी हुन्डाई मनाङ मस्याङ्दी क्लब रमपम झापा गोल्डकप फुटबल प्रतियोगिताको सेमिफाइनल पुगेको छ । अन्तिम क्वार्टरफाइनलमा अर्को ए डिभिजन क्लब न्यूरोड टिम (एनआरटी) माथि ४–० को एकतर्फी नतिजा निकाल्दै मनाङ अन्तिम चारमा पुगेको हो । मनाङको जित सँगै झापा गोल्डकपको सेमिफाइनल समिकरण पुरा भएको छ ।

मनाङको जितमा निराजन मल्लले २ तथा शुसिल लामा र अफ्रिकी खेलाडी आफिज ओलावालले १/१ गोल गरे । मनाङले शनिबार हुने सेमिफाइनलमा त्रिभुवन आर्मी क्लबको सामना गर्नेछ । गत महिना यी दुई टोलीले टुबोर्ग हेटौडा गोल्डकप फुटबलको फाइनल खेलेका थिए ।

डोमालाल रंगशालामा भएको खेलमा २४ औ मिनेटमा ओलावालेको पासमा निराजनले पहिलो गोल गरे । २८ औ मिनेटमा शुसिलले टोलकिा लागि दोस्रो गोल गरे । ३४ औ मिनेटमा निराजनले अर्को गोल थपे । ५९ औ मिनेटमा ओलाबलेले टोलकिा लागि अन्तिम गोल गरे ।

राष्ट्रिय टोली र मनाङका नियमित कप्तान अनिल गुरुङलाई बिहीबारको खेलमा आराम दिइएको थियो । रक्षक विराज महर्जनले पनि १२ औ मिनेटमामा मैदान छाडेका थिए । विराजको ठाँउमा प्रवेश गर्दै नेपाली यू १६ का पूर्व कप्तान हेमन्त थापा मगरले मनाङबाट डेब्यू गरे । एनआरटीविरुद्ध रोहित चन्द म्यान अफ दी म्याच घोषित भए र उनले ७ हजार रुपैयाँ प्राप्त गरे ।

एक महिनामा मनाङ चौथो उपाधिका लागि प्रतिस्पर्धा गरिरहेको छ । गत महिनाको अन्त्यतिर टुबोर्ग हेटौडा गोल्ड कपको फाइनल खेलेको मनाङले त्यसपछिका लगातार दुई साता सुदुर पश्चिममा खप्तड गोल्डकप र पोखराको आहा गोल्डकप फुटबल प्रतियोगिताको उपाधि जितेको थियो । शनिबार आयोजक सहारा क्लबलाइ १–० ले हराउदै मनाङले आरा रारा गोल्डकप उपाधि जितेको थियो ।

एनआरटी पुलिसलाई हराउँदै झापा गोल्डकपको क्वार्टरफाइनलमा पुगेको थियो । मनाङले सोझै अन्तिम आठमा प्रवेश पाएको थियो ।

रमपम झापा गोल्डकपमा शुक्रबारको सेमिफाइनल
आयोजक रमपम झापा ११ विरुद्ध हिमालय शेर्पा क्लब