8 months ago
April 8, 2024
काठमाडौं (हाम्रो खेलकुद) – सहिद स्मारक सि डिभिजन लिग अन्तर्गत सोमबार पहिलो चरणका अन्तिम दुई खेल सम्पन्न भएका छन् ।
सोमबार भएको दिनको पहिलो खेलमा गोलबजार स्पोर्ट्स क्लब र स्वयम्भू क्लब बीचको खेल २-२ को बराबरीमा सकिएको छ । गोलबजारले २-० ले पछि पारेको अवस्थाबाट खेलमा बराबरी गरेको हो ।
स्वयम्भूका लागि क्रमसः २३औं र ४९औं मिनेटमा सुगृत मगर र रंजन पुनले गोल गर्दै दुई गोलको दिलाएका थिए । तर गोलबजारका लागि ५५औं मिनेटमा आशा हाङ राई र इन्ज्युरी समयको पहिलो मिनेटमा सनम थापाले गोल गर्दै एक अंक दिलाउन सफल भए ।
यस्तै दिनको दोस्रो खेलमा स्पोर्ट्स एकेडेमी साँगाले झम्सिखेल युथ क्लब विरुद्ध १-० को जित दर्ता गरेको छ । साँगाका लागि खेलको ८४औं मिनेटमा सजन राज गौतमले खेलको एकमात्र गोल गरे ।
सि डिभिजन लिगमा भोलि मंगलबार कुनै पनि खेल रहेका छैनन् । बुधवार देखि भने दोस्रो चरणका खेलहरू सुरु हुनेछन् ।
सिंगल राउण्ड रोबिन ढाँचामा खेलाईने लिग विजेताले १० लाख रुपैयाँ पुरस्कार पाउने छ । दोस्रो हुने टोलीले ७ र तेस्रो हुने टोलीले ५ लाख पुरस्कार पाउने छ । यस्तै उत्कृष्ट खेलाडीको ५०,००० रुपैयाँ पाउने छन् भने उत्कृष्ट गोलकिपर र सर्वाधिक गोलकर्ताले जनही ३५,००० रुपैयाँ पाउने छन् ।
November 27, 2024
एजेन्सी – च्याम्पियन्स लिगमा मंगलवार बार्यन म्युनिख र आर्सनल विजयी भएका छन्। बायर्न म्युनिखले पेरिस सेन्ट जर्मेन (पिएसजी) लाई १-० र आर्सनलले पोर्चुगिज क्लब स्पोर्टिङलाई ५-१ ले हो । खेलको ३८औं मिनेटमा किम मिन जाइले गरेको गोल नै बार्यनको जितका लागि पर्याप्त रह्यो । ५६औ मिनेटमा उसमान डेम्बेलेले रातो कार्ड पाएपछि पिएसजी १० खेलाडीमा सिमित […]
November 27, 2024
एजेन्सी – इङ्ग्लिस क्लब म्यानचेस्टर सिटीले च्याम्पियन्स लिगमा डच क्लब फेयनोर्डविरुद्ध अग्रता लिएर पनि बराबरीमा रोकिएको छ । बुधवार बिहान भएको खेलमा इङ्ग्लिस टोलीले फेयनोर्डसँग ३-३ को बराबरीमा रोकिएको हो । घरेलु मैदान इतिहाद रंगशालामा सिटीले ३ गोलको अग्रतालाई अन्त्यतिर जोगाउन नसक्दा बराबरीमा राकिएको हो । सिटीका लागि एर्लिङ हालान्डले २ तथा इल्के गुन्डोगानले १ […]
November 27, 2024
एजेन्सी – स्पेनिस ला लिगको शीर्ष स्थानमा रहेको बार्सिलोनाले फ्रान्सेली क्लब ब्रेस्टलाई पराजित गर्दै च्याम्पियन्स लिगमा महत्त्वपूर्ण जित हासिल गरेको छ । बुधवार बिहान भएको खेलमा बार्सिलोनाले ब्रेस्टमाथि ३-० को सहज जित दर्ता गरायो । घरेलु मैदानमा भएको खेलमा बार्सिलोनालाई जित दिलाउन रोबर्ट लेवान्डोस्कीले २ तथा डानी ओल्मोले १ गोल गरे । खेलको १०औं मिनेटमा […]
