एजेन्सी – सहज जित निकाल्दै लन्डन क्लब आर्सनल इंग्लिस प्रिमियर लिगको शीर्षस्थानमा उक्लिएको छ । ब्राइटनलाई उसकै मैदानमा ३–० ले पराजित गर्दै आर्सनल शीर्षस्थानमा उक्लन सफल भएको हो ।

आर्सनलले एक खेल कम खेलेको लिभरपुललाई पछि पारेको हो । अमेरिकन एक्सप्रेस स्टेडियम फाल्मेरमा शनिबार राति भएको खेलमा आर्सनलको जितमा बुकायो साका, काई हाभर्टज लियान्द्रो ट्रोससार्डले गोल गरे ।

खेलको ३३औं मिनेटमा बुकायो साकाको पेनाल्टी गोलबाट आर्सनलले पहिलो हाफमा १–० को अग्रता लिन सफल भयो । ६२औं मिनेटमा काई हाभर्टजले गोल गर्दै आर्सनलको अग्रता दोब्बर पारे । उनले जर्गिन्होको पासमा गोल गर्न सफल भए ।

त्यसपछि ८६औं मिनेटमा परिवर्तिन खेलाडी ट्रोससार्डले गोल गर्दै आर्सनलको जित पक्का गरे । ६४औं मिनेटमा गाब्रिल जेससको स्थानमा मैदान छिरेका ट्रोससार्डले हाभर्टजको पासमा गोल गर्न सफल भए ।

जितसँगै आर्सनलको ३१ खेलबाट ७१ अंक पुगेको छ । एक खेल कम खेलेको लिभरपुलको ४३ अंक छ । पराजित ब्राइटन ४३ अंकसहित १०औं स्थानमा छ ।

अन्य नतिजा
एस्टन भिल्लाविरुद्ध ब्रेन्टफर्ड (३–३)
एभर्टनविरुद्ध बर्नले (१–०)
फुलहमविरुद्ध न्यूक्यासल (०–१)
लुटनविरुद्ध बर्नमाउथ (२–१)
वल्भ्सविरुद्ध वेस्ट ह्याम (१–२)