अल नासरका रोनाल्डाेको अर्को ह्याट्रिक

एजेन्सी – साउदी प्रो लिगमा अल नासरका क्रिस्टियानो रोनाल्डोले उच्च प्रदर्शनलाई जारी राखेका छन् । उनले लगातार दोस्रो खेलमा ह्याट्रिक गरेपछि अल नासरले मंगलबार अभालाई ८–० ले हराएको छ ।

उनले पहिलो हाफमा नै ह्याट्रिक पूरा गरेकी थिए । यसअघिको खेलमा पनि रोनाल्डोले ह्याट्रिक गरेका थिए । जारी सिजनमा उनको यो तेस्रो र समग्रहमा ६५औं ह्याट्रिक हो । त्यस्तै टोलीका लागि अब्दुलाजिज अल अलिवाले २ तथा साडियो माने, अब्दुल्माजीद अल सुलइहिम र अब्दुल रहमान घारिबले मिान १ गोल गरे ।

११ औं मिनेटमा पहिलो गोल गरेका रोनाल्डोले २१ औं मिनेटमा दोस्रो र ४४ औं मिनेटमा ह्याट्रिक पूरा गरेका थिए । त्यसअघि मानेले ३४ औं र सुलइहिमले ४५ औं मिनेटमा गोल गरेका थिए र अल नासरले पहिला हाफमै ५ –० को अग्रता बनाइसकेको थियो । घारिबले ५१ औं तथा अलिवाले ६३ औं र ८६ औं मिनेटमा गोल गरेपछि अल नासरकोले फराकिलो जित दर्ता गराएको थियो ।

साउदी प्रो लिग अंक तालिकाको दोस्रो स्थानमा रहेको अल नासरको २६ खेलमा ६२ अंक पुगेको छ । टोली शीर्षस्थानको अल हिलालको समान खेलमा ७४ अंक छ । भन्दा १२ अंकले पछाडी रहेको छ । १८ टोली रहेको प्रो लिगमा अभा २२ अंकसहित १७ औं स्थानमा छ ।