आबुखैरेनी भरतपुर च्याम्पियनसिपको फाइनलमा

सुशिल पन्त क्षेत्री, चितवन

आबुखैरेनी भरतपुरमा जारी सेन्ट्रल कलेज प्रथम भरतपुर फुटबल च्याम्पियनसिपको फाइनलमा प्रवेश गरेको छ । दोस्रो सेमिफाइनलमा बुधबार गैंडाकोट एफसीलाई ३–० ले हराउँदै आबुखैरनी फाइनलमा पुगको हो ।

आबुखैरनीको जितमा अबायोमी र फोडे फोफनाले गोल गरे । आबुखैरनीले एक उपहार गोल पाएको थियो । आबुखैरेनीका भविन्द्र मल्ल म्यान अफ दि म्याच भए ।

आबुखैरेनीले अब उपाधिका लागि चैत १० गते सेन्ट्रल कलेज २८ बिगाको सामना गर्नेछ । २८ बिगा यस अघि पहिलो सेमिफाइनलमा घैरुङ एफसीलाई हराउँदै फाइनलमा पुगिसकेको छ ।

चितवन ११ फुटबल क्लबको आयोजनामा जारी प्रतियोगिता चैत १० गतेसम्म चल्नेछ । प्रतियोगिताको विजेताले तीन लाख ३ हजार तथा उपविजेताले एक लाख ५० हजार रुपैयाँ प्राप्त गर्नेछ । भरतपुर भ्रमण वर्ष २०२४ को अवसरमा प्रतियोगिता आयोजना गरिएको हो ।