काठमाडौं (हाम्रो खेलकुद) – अखिल नेपाल फुटबल संघ (एन्फा) को भूमिका सन्तोषजनक नभएको भन्दै राष्ट्रिय खेलकुद परिषद् (राखेप) ले त्रिपुरेश्वरस्थित दशरथ रंगशाला संरक्षणको आफैले गर्ने भएको छ ।

राखेप मातहत रहेको दशरथ रंगशालाको खेल मैदान विगत लामो समयदेखि राखेपले एन्फालाई मैदानको जिम्मेवारी दिदै आएको थियो । एन्फाले मर्मत सम्भार तथा संरक्षण गर्दै आएपनि मैदानको गुणस्तर र स्तरोन्नतीमा सन्तोषजनक कार्य नभएकोले अब उप्रान्त राखेप आफैले संरक्षण गर्ने जनाएको छ ।

संरक्षण गर्ने प्रारम्भिक काम मंगलबारबाटै सुरु भएको राखेपले जनाएको छ ।राखेप जिम्मेवारी दिएपनि एन्फा आफैले विभिन्न कार्यक्रम सन्चालनका लागि स्वीकृतिका लागि राखेपलाई पत्रचार गएको पाइएको थियो ।

नेपाल र बहराइनबीच फिफा विश्व कप छनोट तथा एएफसी एसियन कप छनोटको खेल चैत ८ का लागि खेल्न योग्न नभएको भन्दै एएफसीले खेल गराउन स्वीकृति नदिएपछि अहिले दुवै खेल बहराइनमा हुँदैछ । मैदान मर्मत गर्नका राखेपले पर्याप्त समय नदिएको एन्फाले आरोप लगाएको थियो ।

राखेप मातहतका भौतिक पूर्वाधारहरुको संरक्षण र सम्वद्र्धन राखेपले नै गर्ने राष्ट्रिय खेलकुद विकास नियमावली २०७९ को परिच्छेदको नियम २० को उपनियम (३) मा उल्लेख रहेका स्मरण गराउँदै राखेपले खेल मैदानको संरक्षण गर्न दैनिक आवयश्क पर्ने जनशक्तिको पनि राखेपले व्यवस्था गरिसकेको जनाएको छ ।