8 months ago
March 17, 2024
एजेन्सी – स्पेनिश लालिगा अन्तर्गत गएराती सम्पन्न खेलमा रियल म्याड्रिड विजयी भएको हो । रियलले ओसासुना विरुद्ध ४-२ को जित निकालेको हो ।
खेलको चौथो मिनेटमा नै रियलले खेलमा सुरुवाती अग्रता लिएको थियो । ओसासुनाका डिफेन्डरको खुट्टाबाट बल खोस्दै भिनीसियस जूनियरले गोल गरेर खेलमा रियललाई अग्रता दिलाएका थिए ।
तर सातौं मिनेटमा आन्टे बुडीमिरले ओसासुनाका लागि बराबरी गोल गरे । १८औं मिनेटमा रियलले खेलमा पुनः अग्रता लियो । फेडेरिको भाल्भर्डेको पासमा ड्यानी कार्भाजालले गोल गर्दै रियललाई पुनः अग्रता दिलाए ।
६१औं मिनेटमा भाल्भर्डेकै पासमा गोल गर्दै ब्राहिम डीयाजले अग्रता आज फराकिलो बनाए । ६४औं मिनेटमा भिनीसियसले व्यक्तिगत दोस्रो गोल गर्दै स्कोरलाइन ४-१ सम्म पुर्याए ।इन्ज्युरी समयमा ओसासुनाका इकर मुनोजले एक गोल फर्काएका थिए ।
रियलको २९ खेलबाट ७२ अंक पुगेको छ । समान खेलबाट जिरोनाको ६२ अंक छ । एक खेल कम खेलेको बार्सिलोनाको ६१ अंक छ । पराजिता ओसासुना ३६ अंक जोडेर ११औं स्थानमा छ ।
October 30, 2024
काठमाडौं (हाम्रो खेलकुद) – राजेन्द्र तामाङले राष्ट्रिय महिला फुटबल टोलीको मुख्य प्रशिक्षक पद गरेको बताएका छन् । महिला साफ च्याम्पियनसिपको फाइनलमा बुधवार बंगालादेशसँग २-१ ले पराजित भएपछिको पोस्ट म्याच कन्फ्रेन्समा अब राष्ट्रिय महिला टोली नहेर्ने बताएका हुन्। ‘अब महिला राष्ट्रिय टोली हेर्दिन’, उनले भने ,’सायद अब क्लब हेर्छु होला ।’ तामाङको नेतृत्वमा महिला टोलीले गत […]
October 30, 2024
सुबास हुमागाईं, काठमाडौं साविक विजेता बंगलादेशले घरेलु टोली नेपाललाई हराउँदै लगातार दोस्रो पटक साफ महिला च्याम्पियनसिपको उपाधि जितेको छ । दशरथ रंगशालामा बुधबार सम्पन्न फाइनलमा नेपाललाई २-१ ले हराउँदै बंगलादेशले उपाधि रक्षा गर्यो । बंगलादेशका लागि मोनिका चक्मा र ऋतु पोर्ना चक्माले १-१ गोल गरे । नेपालको लागि अमिशा कार्कीले बराबरी गोल फर्काएपनि नेपाल खेलमा […]
October 30, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत नेपाल र बंगलादेशबीच जारी फाइनलको पहिलो हाफ गोलरहित बराबरीमा सकिएको छ । दुवै टोलीले पहिलो हाफमा पाएको अवसर सदुपयोग गर्न सकेका छैनन् । सुरुवाती १० मिनेटमा नै दुवै टोलीको प्रहार क्रसबारमा लागेको थियो । बंगलादेशकी गोलरक्षक रुपना चक्माले आज लगातार गल्ती गरिरहेकी छिन् । खेलको पहिलो […]
