8 months ago
March 16, 2024
काठमाडौं (हाम्रो खेलकुद) – नेपाली राष्ट्रिय फुटबल टोलीकी फरवार्ड सावित्रा भण्डारीले फ्रान्सको शीर्ष डिभिजन लिगमा पहिलो पटक सुरुवाती रोजाइमा खेल्ने भएकी छिन् ।
एन अभान्ट ग्वेंगाम्पबाट पेरिस फुटबल क्लबविरुद्ध खेलमा उनले सुरुवाती रोजाइमा खेल्दैछिन् । खेल साँझ ६:४५ मा सुरु हुँदैछ । चेक गणतन्त्रकी एन्टोइन स्टारोभा बेन्चमा रहँदा साम्बाले भने पहिलो रोजाइमा अवसर पाएकी छिन् ।
पेरिस एफसी ३४ अंकसहित लिग तालिकाको तेस्रो स्थानमा छ । ग्वेंगाम्प १६ खेलमा १५ अंकसहित नवौं स्थानमा छ ।
पछिल्लो खेलमा लिलविरुद्ध गोल गरेकी उनले आजको खेलमा भने सुरुवाती रोजाइमा खेल्दैछिन् । उनले यसअघि तीन खेलमा भने बेन्चबाट मैदान प्रवेश गरेकी थिइन् ।
सावित्राले गत महिना वाफ च्याम्पियनसिपको सर्वाधिक गोलकर्ता बन्दै नेपालको लागि अन्तर्राष्ट्रिय फुटबलमा ५० गोल समेत पुरा गरेकी थिइन् । उनले वाफको फाइनल गुमाएपनि शीर्ष लिगमा भने गोलको खाता खोलिन् ।
October 30, 2024
काठमाडौं (हाम्रो खेलकुद) – राजेन्द्र तामाङले राष्ट्रिय महिला फुटबल टोलीको मुख्य प्रशिक्षक पद गरेको बताएका छन् । महिला साफ च्याम्पियनसिपको फाइनलमा बुधवार बंगालादेशसँग २-१ ले पराजित भएपछिको पोस्ट म्याच कन्फ्रेन्समा अब राष्ट्रिय महिला टोली नहेर्ने बताएका हुन्। ‘अब महिला राष्ट्रिय टोली हेर्दिन’, उनले भने ,’सायद अब क्लब हेर्छु होला ।’ तामाङको नेतृत्वमा महिला टोलीले गत […]
October 30, 2024
सुबास हुमागाईं, काठमाडौं साविक विजेता बंगलादेशले घरेलु टोली नेपाललाई हराउँदै लगातार दोस्रो पटक साफ महिला च्याम्पियनसिपको उपाधि जितेको छ । दशरथ रंगशालामा बुधबार सम्पन्न फाइनलमा नेपाललाई २-१ ले हराउँदै बंगलादेशले उपाधि रक्षा गर्यो । बंगलादेशका लागि मोनिका चक्मा र ऋतु पोर्ना चक्माले १-१ गोल गरे । नेपालको लागि अमिशा कार्कीले बराबरी गोल फर्काएपनि नेपाल खेलमा […]
October 30, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत नेपाल र बंगलादेशबीच जारी फाइनलको पहिलो हाफ गोलरहित बराबरीमा सकिएको छ । दुवै टोलीले पहिलो हाफमा पाएको अवसर सदुपयोग गर्न सकेका छैनन् । सुरुवाती १० मिनेटमा नै दुवै टोलीको प्रहार क्रसबारमा लागेको थियो । बंगलादेशकी गोलरक्षक रुपना चक्माले आज लगातार गल्ती गरिरहेकी छिन् । खेलको पहिलो […]
