एजेन्सी – इटालियन टोली इन्टर मिलानलाई पेनाल्टी शूटआउटमा पराजित गर्दै एट्लेटिको म्याड्रिड युरोपेली च्याम्पियन्स लिगको अन्तिम आठमा प्रवेश गरेको छ । इन्टरलाई टाइब्रेकरमा ३-१ पराजित गर्दै एट्लेटिको म्याड्रिड क्वाटरफाइनलमा प्रवेश गरेको हो ।

दोस्रो लेग २-१ र समग्रमा २-२ को बराबरीमा सकिएपछि खेल अतिरिक्त समयमा धकेलिएको थियो । अतिरिक्त समयमा पनि कुनै गोलनभएपछि खेल पेनाल्टी शूटआउटमा पुगेको थियो ।

पहिलो लेग १-० ले जितेको इन्टरका लागि ३३औं मिनेटमा फेडेरिको डीमार्कोले गोल गर्दै समग्रमा २-० को अग्रता दिलाएका थिए ।

त्यसको दुई मिनेट पछि एन्टोवान ग्रिजम्यानले गोल गर्दै खेल बराबरी गर्दै समग्रमा इन्टरको अग्रता घटाएका थिए ।८७औं मिनेटमा मेम्फिस डीपाएले गोल गर्दै समग्रमा २-२ को बराबरी गर्दै खेल अतिरिक्त समयमा पुर्याएका थिए ।

शूटआउटमा एट्लेटिकोका डीपाए, रोड्रिगो रिकेल्मे र एन्जल कोर्रियाले गोल गरे भने साउल निगेजले गोल गर्न सकेनन् ।

इन्टरका हाकान चालानोग्लु र फ्रान्सेस्को एचर्विले गोल गरे । एलेक्सिस सान्चेज र डेभी क्लासनको पेनाल्टी गोलरक्षक ज्यान ओबलाकले बचाए । लौटारो मार्टिनेजले भने पोस्ट भन्दा माथि प्रहार गरेपछि एट्लेटिको विजयी भयो ।

च्याम्पियन्स लिगको अन्तिम आठ समीकरण समेत पुरा भएको छ । क्वाटरफाइनल ड्र भोलि दिउँसो ४:४५ बजे हुनेछ ।