काठमाडौँ (हाम्रो खेलकुद) – फिफा विश्वकप २०२६ एसियाली छनोट अन्तर्गत मार्च महिनामा बहराइन विरुद्ध दुई खेलका लागि नेपालको प्रारम्भिक टोलीको घोषणा भएको छ । नेपाली राष्ट्रिय टोलीका मुख्य प्रशिक्षक भिन्सेन्जो अल्बर्टो अनेसेले ३३ सदस्सिय प्रारम्भिक टोलीको घोषणा गरेका हुन् ।

चार जना खेलाडीले पहिलो पटक राष्ट्रिय टोलीको प्रशिक्षणका लागि बोलाइएका छन् । पहिलो पटक बोलाइएका खेलाडीमा डिफेन्डरद्वय अजय चौधरी र दिपेन्द्र विक सहित मिडफिल्डर रोहन कार्की र फरवार्ड समिर तामाङ रहेका छन् । 

यस्तै डेब्यु गर्न बाँकी रहेका सन्तोष खत्री, क्रितिश रत्न छुन्जु, अभिषेक बराल, एञ्जल महर्जन, विशाल तामाङ पनि प्रारम्भिक टोलीमा अटाएका छन् । यी पाँच जना मध्य क्रितिश रत्न छुन्जु र अभिषेक मात्र अन्तिम टोलीमा अटाएका खेलाडी हुन् । अन्य तीन खेलाडीले राष्ट्रियटोलीसँग प्रशिक्षण भने गरिसकेका छन् ।  

नेपालले मार्च २१ र २७ मा बहराइन विरुद्ध दुई खेल खेल्ने तालिका रहेको छ । मार्च २१मा घरेलु मैदानमा खेल हुने तालिका रहेपनि दशरथ रंगशाला अयोग्य रहेका कारण खेल नेपालमा नहुने उच्च सम्भावना रहेको छ । तर आधिकारिक जानकारी भने आइसकेको छैन ।   

प्रारम्भिक नेपाली टोली:

गोलकिपर: किरण चेम्जोङ, अभिषेक बराल, विशान सुनार, दीप कार्की

डिफ़ेण्डर: अजय चौधरी, अनन्त तामाङ, एञ्जल महर्जन, बिमल पाण्डे, विशाल बस्नेत, छिरिङ लामा, दिपेन्द्र विक, रोहित चन्द, सनिश श्रेष्ठ, सुमित श्रेष्ठ, योगेश गुरुङ 

मिडफ़िल्डर: एरिक विष्ट, विशाल तामाङ, क्रितिश रत्न छुन्जु, लाकेन लिम्बु, मणि कुमार लामा, मनिष डाँगी, रोहन कार्की, सन्तोष खत्री, सुरज जिउ ठकुरी, उत्सब राई 

फरवार्ड: अन्जन विष्ट, आयुष घलान, दिनेश हेन्जन, जिलेस्पी जंग कार्की, हिसुब थपलिया, राजेश परियार, समिर तामाङ, सन्जिव विष्ट