एजेन्सी – कप्तान तथा स्टार भेट्रान फरवार्ड क्रिष्टियानो रोनाल्डो अनुपस्थित रहँदा ब्राजिली फरवार्ड एन्डर्सन टालिस्काको ह्याट्रिकका बावजुत अल नासर साउदी प्रो लिगमा रेलिगेसन क्षेत्रमा रहेको अल हाजिमसँग बराबरीमा रोकिएको छ ।

घरेलु मैदानमा अल नासर चार पटक अग्रता लिएरपनि त्यसलाई जोगाउन नसक्दा अल हाजिमसँग ४–४ गोलको बराबरीमा रोकिन पुगेको हो ।

अल नासरका लागि एक गोल साडियो मानेको नाममा रह्यो । अल हाजिमका एहमद अल मेमेद, टोजी, फाइज सेलेमानी र पाउलो रिकार्डाेले गोल गरे ।

अल अवाल पार्कस्थित किङ साउद युनिभर्सिटीमा बिहीबार राति गोलको वर्षा भएको खेलको ३१औं मिनेटमा टालिस्काको गोलबाट अल नासरले अग्रता लिन सफल भएको थियो ।

५३औं मिनेटमा एहमद अल मेमेदले गोल गर्दै खेललाई १–१ गोलको बराबरीमा ल्याए । ६१औं मिनेटमा टालिस्काले गोल गर्दै अल नासरलाई पुनः २–१ को अग्रता दिलाए ।

६६औं मिनेटमा टोजीले गोल गर्दै खेललाई पुनः २–२ गोलको बराबरीमा ल्याए । ७१औं मिनेटमा टालिस्काले ह्याट्रिक पूरा गर्दा अल नासर खेलमा पुन? ३–२ ले अघि रह्यो । तर, ८४औं मिनेटममा फाइज सेलेमानीले गोल गर्दै खेललाई ४–४ गोलको बराबरीमा ल्याए ।

इन्ज्युरी समयको थप गरिएको चौथो मिनेटमा साडियो मानेले गोल गर्दै अल नासरर्ला खेलमा चौथोपटक अग्रता दिलाए । तर, अल नासरको त्यो चौथो अग्रता पनि लामाे समय टिकेन । इन्ज्युरी समयको थप गरिएको नवौं मिनेटमा पाउलो रिकार्डाेले गोल गर्दै अल नासरबाट अंक खोस्न सफल भए ।

अल नासरका नियमित कप्तान रोनाल्डो एक खेलको प्रतिबन्धका कारण यस खेलमा समावेश थिएनन् । अलशबाबमाथि ३–२ को जित निकालेको खेलमा समर्थकहरूलाई उक्साएको भन्दै उनलाई साउदी अरेबिया फुटबल फेडेरेसन (साफ) ले एक खेलसँगै ३० हजार साउदी रियल जरिवाना गरेको थियो ।

यस बराबरीसँगै अल नासर एक खेल कम खेलेको शीर्षस्थानको अल हिलालसँग ६ अंकले पछि पर्दा उपाधि दौड कमजोर बनेको छ । दोस्रो स्थानमा रहेको अल नासरको २२ खेलबाट ५३ अंक पुगेको छ ।

एक खेल कम खेलेको अल हिलालको ५९ अंक छ । अल नासरलाई रोकेको अल हाजिम १५ अंक जोडेर रेलिगेसन जोनको १७औं स्थानमा छ ।