6 months ago
February 29, 2024
काठमाडौं (हाम्रो खेलकुद) – वाफ महिला च्याम्पियनसिप २०२४ अन्तर्गत फाइनलमा नेपालले जोर्डनको सामना गर्दैछ । हालसम्म अपराजित रहेका यी दुई टोलीबीचको खेलमा नेपालले आफ्नो स्टार फरवार्ड सावित्रा भण्डारीको साथ भने पाउने छैन ।
नेपालले प्रतियोगितामा खेलेको सबै ४ खेलमा साम्बालाई नै आक्रमणमा उतारेको थियो । तर फिफा विन्डोबाहिर रहेको यस खेलका लागि साम्बा व्यावसायिक सम्झौताका कारण उपस्थित हुने छैनन् । उनी आज नै फ्रान्स पुग्ने तालिका छ ।
साम्बालाई रेखा पौडेल, अमिषा कार्की र अनिता बस्नेतले साथ दिएका थिए । मिडफिल्डमा प्रिती राईसँग अनिता केसी र दिपा शाहीले २-२ खेलमा सुरुवात गरेका थिए । फाइनलमा भने प्रशिक्षक राजेन्द्र तामाङलाई आक्रमणमा साम्बाको अनुपस्थिति हुँदा खेलाडी छनोट टाउको दुखाइ बन्ने देखिन्छ ।
रश्मीकुमारी घिसिङले सेमिफाइनलमा बेन्चबाट मैदान प्रवेश गर्दै नेपालको पक्षमा खेल ल्याउन महत्त्वपूर्ण प्रदर्शन गरेकी थिइन् । त्यस्तै सविता रानामगरले पनि टोलीको तालेमल फर्काउन राम्रो योगदान दिइन् । फाइनलमा सावित्रा र अनिताको स्थानमा यी दुई पहिलो रोजाइमा आउने सम्भावना बलियो छ ।
सेमिफाइनलमा अनिता बस्नेतको स्थान लिएकी विमला चौधरीले पनि त्यति राम्रो प्रदर्शन गर्न सकिनन् । अनिता सेट पिसमा राम्रो भएपनि खेलमा जम्न नसक्दा तामाङले विमलाको विकल्प रोजेका थिए । विमलाबाट रक्षात्मक रुपमा टोलीले आवश्यक दबाब पाएपनि आक्रमणमा भने उनले खस प्रभाव जमाएकी छैनन् ।
रेखा र रश्मीले आक्रमणमा खेल्दा अमिशा र सविता दुई विंगमा प्रभावकारी विकल्प देखिन्छन् । सविताले आवश्यक पर्दा नम्बर ९ को भूमिका पनि निर्वाह गर्न सक्ने र रश्मी मिडफिल्डमा पनि झर्न सक्ने हुँदा प्रशिक्षक तामाङले यो विकल्प रोज्न सक्छन् ।
यसबाहेक विमल चौधरी र अनिता बस्नेतसँगै चन्द्रा भण्डारी पनि बेन्चबाट विकल्पको रुपमा छिन् । मिडफिल्डमा सरस्वति हमाललाई अवसर दिए प्रिती राई र दिपा शाहीलाई केहि आक्रामक भूमिका दिने योजना पनि तामाङसँग छ । यसो हुँदा अमिशा, रेखा र सविता सम्मिलित ३ खेलाडीको आक्रमण निर्माण हुनेछ । यसमा दिपा शाहीसँग पनि विंग फरवार्ड खेल्ने क्षमता छ ।
जोर्डन नेपालको तुलनामा शारीरिक र प्राविधिक दुवै पक्षमा निपुण देखिन्छ । पाँच पटकको च्याम्पियन जोर्डनविरुद्ध नेपालको डिफेन्सको असली परिक्षा हुनेछ । यससँगै प्रतियोगितामा बिर्सनलायक रहेको नेपालको गोलरक्षणले प्रदर्शन सुधार गर्नुपर्नेछ । विगतको फाइनलमा नेपालले आक्रमणमा गोल निकालेपनि डिफेन्स र गोलरक्षणले दबाब खेप्न नसक्दा हार बेहोरेको उदाहरण छन् । त्यसबाट माथि उठेमात्र नेपालले उपाधिको खडेरी तोड्न सक्नेछ ।
September 8, 2024
काठमाडौं (हाम्रो खेलकुद) – बार्सिलोना फ्यान क्लब नेपाल (बार्सा नेपाल ) का रूपमा परिचित क्याटलान क्लब एफसी बार्सिलोनाको समर्थक समूहले एफसी बार्सिलोनाको आधिकारिक पेन्या (समर्थक क्लब) को मान्यता प्राप्त गरेको छ । पेन्या बार्सा दी एभरेस्टको नयाँ नाममा क्लबले आधिकारिकता प्राप्त गरेको हो । शनिबार एक कार्यक्रममाझ समर्थक क्लबले आफ्नो दर्ता पूरा भएको उपलक्ष्यमा भेटघाट कार्यक्रमको […]
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]