प्रितीको विजयी गोल फिजियो नविनालाई समर्पण

काठमाडौं (हाम्रो खेलकुद) – स्टार मिडफिल्डर प्रिती राईले वाफ च्याम्पियनसिप २०२४ को सेमिफाइनलमा गरेको विजयी गोल फिजियोथेरापिस्ट नविना श्रेष्ठ वैद्यलाई समर्पित गरेकी छिन् ।

लेवनानविरुद्ध दोस्रो हाफको इन्ज्युरी समयमा प्रितीले पेनाल्टी क्षेत्र बाहिरबाट सानदार गोल गर्दै नेपालको २-१ को जित पक्का गरेकी थिइन् । उनकै गोलमा नेपालले फाइनलमा स्थान बनाएको थियो । खेलपछि बोल्दै प्रितीले उक्त गोल आफ्नो फिजियो वैद्यलाई समर्पण गरेकी हुन् ।

‘म आजको गोल नविना म्यामलाई समर्पण गर्न चाहन्छु । मेरो कठिन समयमा वहाँले निकै सहयोग गर्नुभयो । मेरो परिवार र वहाँ नै चोटको समयमा मसँग हुनुहुन्थ्यो । मलाई मानसिक रुपमा गाह्रो हुँदा पनि वहाँले निकै साथ दिनुभयो,’ प्रितीले भनिन् ।

फिजियो वैद्यले प्रितीको पुनरागमनमा गौरव महसुस भएको बताउँदै उनले राम्रो प्रदर्शन गर्नेमा विश्वस्त रहेको बताइन् ।

प्रिती चोटका कारण लामो समय मैदानबाहिर हुँदा नविनाले नै लगातार उनको रिह्याबमा सहयोग गरेकी थिइन् । चोटकै कारण प्रितीले गत वर्ष राष्ट्रिय टोलीको खेल पनि गुमाउनुपरेको थियो ।

प्रितीको विजयी गोल फिजियो नविनालाई समर्पण

Latest News

Popular News

फुटबल

सानो गौचरन मैदानको पुनः निर्माणको शिलान्यास

लिभरपुल च्याम्पियन्सिप लिगको नकआउट चरणमा

बार्यन र आर्सनलको जित

चर्चित खेलहरु:

उपयोगी लिङ्कहरू

सम्पर्क

सामाजिक संजाल