6 months ago
February 27, 2024
काठमाडौं (हाम्रो खेलकुद) – पश्चिम एसियाली फुटबल एसोसिएसन (वाफ) महिला च्याम्पियनसिपको दोस्रो सेमिफाइनलमा नेपाल लेबनान विरुद्ध मध्यान्तरसम्म एक गोलले पछि परेको छ । नेपालकी राइट-ब्याक पूजा रानाको आत्मघाती गोलले गर्दा नेपाल खेलमा पछि परेको हो ।
नेपालले पछिल्लो खेलहरुमा जस्तो खेलमा पकड बनाउन सकेको छैन । अवसरहरु सिर्जना भएपनि नेपालको फरवार्ड लाइनले अवसरहरूको सदुपयोग भने गर्न सकेको छैन ।
तेस्रो मिनेटमा सावित्रा भण्डारी साम्बाको क्रसले आफ्नो टिममेट भेटाउन सकेन । १३औं मिनेटमा रेखा पौडेलले सुन्दर अवसर खेर फालिन् । पूजाले आफ्नो हाफबाट खेलेको लामो बल लेबनानले क्लियर गर्न नसकेपछि बनेको वान अन वान अवसरमा उनले पोस्टभन्दा बाहिर प्रहार गरिन् ।
१४औं मिनेटमा साम्बाले बक्स बाहिरबाट लिएको प्रहार पोस्टतर्फ जान सकेन । २०औं मिनेटमा लेबनानकी लैला इस्कन्दरको प्रहार नेपाली गोलकिपर एन्जिला सुब्बाले सहजै समातिन् । २८औं मिनेटमा रेखाको अर्को लङ रेन्ज प्रहार पोस्टको दिशामा रहेन ।
३८औं मिनेटमा नेपालले खेलमा गोल खान पुग्यो । पूजाले गोलकिपर एन्जिलाको लागि खेलेको ब्याकपास उनिभन्दा धेरै टाढा रहेपछि बल सिधै पोस्टमा गएको थियो । ४२औं मिनेटमा अमिषा कार्कीको क्रस साम्बासम्म पुग्न सकेन ।
नेपालले समूह चरणमा तीन वटै खेलमा जित दर्ता गर्दै समूह विजेता बनेर सेमिफाइनल प्रवेश गरेको हो । उता लेबनानले भने गुआम र साउदी अरेबियामाथि जित हात पारेको थियो । जोर्डन विरुद्ध पराजित हुदै समूह उपविजेता बन्दै लेबनान सेमिफाइनल प्रवेश गरेको थियो ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]