6 months ago
February 27, 2024
काठमाडौं (हाम्रो खेलकुद) – पश्चिम एशिया फुटबल एसोसिएसन (वाफ) महिला च्याम्पियनसिप अन्तर्गत सेमीफाइनल खेलमा लेबनानविरुद्ध नेपालले आफ्नो सुरुवाती ११ सार्वजनिक गरेको छ । प्रशिक्षक राजेन्द्र तामाङले समूह चरणको अन्तिम खेलमा प्यालेस्टाइन विरुद्ध खेलेको टोलीलाई नै निरन्तरता दिएका छन् ।
खेल नेपाली समय अनुसार १०:४५ बजे प्रिन्स अब्दुल्लाह अल फैसल स्पोर्ट्स सिटीमा सुरु हुने छ ।
आक्रमणमा सावित्रा भण्डारीलाई साथ दिन रेखा पौडेल, अनिता बस्नेत र अमिषा कार्की छन् । मिडफिल्डमा प्रिती राई र अनिता केसी खेल्दैछन् । डिफेन्समा पुजा राना, अमृता जैशी, हिरा भुजेल र गीता राना छन् । एन्जिला तुम्बापो सुब्बा कप्तान तथा गोलरक्षकमा छिन् ।
नेपालले समूह चरणमा तीन वटै खेलमा जित दर्ता गर्दै समूह विजेता बनेर सेमीफाइनल प्रवेश गरेको हो ।
नेपालले समूह चरणको पहिलो खेलमा सिरिया माथि ४-१ को सानदार जित हात पारेको थियो । यस्तै दोस्रो खेलमा नेपालले इराकलाई ५-० ले हराएको थियो । खेलको पाँच गोल नै साम्बाले गरेकी थिइन् । तेस्रो खेलमा नेपालले प्यालेस्टाइन माथि ४-० को जित निकालेको थियो ।
उता लेबनानले भने गुआम र साउदी अरेबियामाथि जित हात पारेको थियो भने जोर्डन विरुद्ध पराजित हुदै समूह उपविजेता बन्दै सेमीफाइनल प्रवेश गरेको थियो ।
फाइनल खेल बिहीबार हुने छ । नेपाल गुआम सहित प्रतियोगितामा आमन्त्रित टोली हो ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]