काठमाडौं (हाम्रो खेलकुद)- अखिल नेपाल फुटबल संघ (एन्फा) को साधारण सभामा प्रस्तुत विषयसूचीमा असहमति जनाउँदै वरिष्ठ उपाध्यक्ष वीरबहादुर खड्कासहित पदाधिकारी र सदस्यहरुले सभा बहिष्कार गरेका छन्।

साधारणसभाको विषयसूची तय गर्न एन्फा मुख्यालयमा फागुन ३ गते देखि ६ गतेसम्म केन्द्रिय कार्यसमिति बैठक सन्चालन भएको स्मरण गर्दै उनीहरुले विभिन्न बिषयमा घनिभुत छलफल भएको तर बहुमत सदस्यहरुको निर्णयमा असहमति रहेकोले निर्णयहरु नभएको बताइएको छ ।

त्यसमा महासचिव किरण राईले उपस्थितिको हस्ताक्षरको दुरुपयोग गरी निर्णय भएको भनि विषयसूची पेश गरेकोमा गर्नु आफूहरुको‌ गम्भिर असहमति‌ रहेको बताइएका छन् ।

साधारण सभा बहिष्कार गर्नेमा वरिष्ठ उपाध्यक्ष खड्का
सहित उपाध्यक्ष विराट जंग शाही, दिर्घ बहादुर केसी (कुमार), सदस्यहरु अनिल मल्ल, रविन्द्र चन्द्र, मनिष जोशी, रुपेश अधिकारी, भोजराज शाही, रमेश व्यन्जनकार छन् । देश बाहिर रहेकी सदस्य पेमा लामाले पनि यसमा सहमति जनाएको बताइएको छ।

साधारण सभाको‌ बन्द सत्र जारी छ । एन्फाका पूर्व अध्यक्ष तथा ए डिभिजन क्लब हिमालय शेर्पाका‌ अध्यक्ष
कर्मा छिरिङ शेर्पाले कार्यसमितिका‌ बहुमत सदस्यको उपस्थिति नरहेको साधारण सभा औचित्यहिन हुने भन्दै सभाबाट बाहिरका‌ थिए।‌

एन्फाको नियमित साधारण सभाको विशेषसूची