7 months ago
February 25, 2024
एजेन्सी – लिभरपुलले आइतबार इंग्लिस फुटबल लिग कपको उपाधि हात पारेको छ । यो सिजनको अन्त्यमा क्लब छोड्ने घोषणा गरिसकेका प्रशिक्षक योर्गन क्लोपले लिभरपुका लागि अर्को उपाधि जितेका छन्।
चोटका कारण सुरुवाती रोजाईका धेरै खेलाडी गुमाएको लिभरपुलले चेल्सीविरुद्ध अतिरिक्त समयमा गोल गर्दै उपाधि उचाल्न सफल भएको हो । लिभरपुलका लागि कप्तान तथा डिफेन्डर भर्जिल भ्यान डाइकले गोल गरेका हुन् ।
अतिरिक्त समय सकिएर खेल पेनाल्टी सुटआउटमा धकेलिन दुई मिनेट बाँकी रहँदा उनले गोल गरेका थिए । कोन्सटान्टिनोस सिमिकासले खेलेको कर्नर किकमा हेडर मार्फत गोल गर्दै उनले जित दिलाएका थिए ।
त्यसअघि खेलमा दुबै टोलीले धेरै मौकाको सदुपयोग गर्न सकेनन् । १४औं मिनेटमा लिभरपुलका लुइस डियाजको प्रहार चेल्सी गोलरक्षक पेट्रोभिचले बचाएका थिए ।
२१औं मिनेटमा लिभरपुल गोलरक्षक केल्लेहरले कोल पालमरको प्रहार विफल पारे । ३२औं मिनेटमा रहिम स्टर्लिङले गरेपनि उनी अफसाइड रहेका थिए ।
४०औं मिनेटमा लिभरपुलका कोडी गाक्पोको हेडर पोस्टमा लागेर बाहिरिएको थियो । ६०औं मिनेटमा भ्यान डाइकले गरेको गोल भिडियो असिस्टेन्ट रेफ्रीले फाउल भएका कारण रद्द गरेका थिए ।
७६औं मिनेटमा चेल्सीका कनर ग्यालाघरको प्रहार पनि पोस्टमा लागेर फर्किएको थियो । इन्ज्युरी समयमा चेल्सीले लगातार केही अवसर खेरा फालेपछि अन्तिम समयमा जित निकाल्न सकेन ।
अतिरिक्त समयमा भने लिभरपुलले बाजी मार्यो । लिभरपुलको यो कीर्तिमानी १०औं लिग कप उपाधि हो ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]