हेटौंडा (हाम्रो खेलकुद)- ए डिभिजन टोली मछिन्द्र फुटबल क्बल छैटौं बागमती गोल्डकप फुटबल प्रतियोगिताको फाइनलमा प्रवेश गरेको छ।

मकवानपुरको बागमती गाउँपालिका ८ मा जारी प्रतियोगितामाको सोमबार भएको पहिलो सेमिफाइनल खेलमा अर्को ए डिभिजन टोली न्यरोड टिम (एनआरटी) लाई ५–१ गोलले हराउँदै मछिन्द्र उपाधि नजिक पगेको हो‌।

मछिन्द्रको जितमा हिसुब थपलिया र विदेशी खेलाडी स्टेफेन समिरले समान २ विमल घर्ती मगरले एक गोल गरे ।

खेलको नवौं मिनेटमा हिसुबकोे गोलमार्फत सुरुवाती अग्रता बनाएको मछिन्द्रका लागि स्टेफेनले १३ औं मिनेटमा गोल गरेपछि टोली पहिलो हाफमा २-० ले अगाडि रह्यो।

४६ औँ मिनेटमा स्टेफेनले अर्को गोल गरे । ५९ औं मिनेटमा हिसुबले व्यक्तिगत दोस्रो गोल गरे । ६० औं मिनेटमा एनआरटीका विदेशी खेलाडी सेवेले गोल फर्काएका थिए।

मच्छिन्द्रलका विमलले इन्ज्युरी समयको पहिलो मिनेटमा गोल गरे। खेलको म्यान अफ द म्याच मछिन्द्रका हिसुबले घोषित १० हजार रुपैयाँ प्राप्त गरे ।

मछिन्द्रले अब उपाधिका लागि विभागीय टोलीहरु त्रिभुवन आर्मी क्बल र नेपाल एपिएफ क्लबमध्ये एकसँग बिहिबार प्रतिस्पर्धा गर्नेछ ।

प्रतियोगिताको विजेता टोलीले १० लाख र दोस्रो हुने टोलीले ५ लाख रुपैयाँ प्राप्त गर्नेछन् । सर्वोत्कृष्ट खेलाडीले १ लाख १ हजार रुपैयाँ तथा विधागत उत्कृष्टले समान २५ हजार रुपैयाँ प्राप्त गर्नेछन् ।