7 months ago
February 17, 2024
ललितपुर (हाम्रो खेलकुद )– अखिल नेपाल फुटबल संघ (एन्फा) मा गत वर्ष निर्वाचित नयाँ कार्यसमिति आएयता सबैभन्दा लामो बैठक यसपटक भएको छ । लगातार तीन दिनदेखि जारी कार्यसमिति बैठक आइतबार पनि चल्ने भएको छ ।
विविधसहित २९ वटा एजेण्डामध्ये शनिबार तेस्रो दिनको बैठक स्थगित हुँदा मात्र ३ वटा एजेण्डामा निर्णय हुन सकेको एक पदाधिकारीले बताए । फागुत १४ गतेका लागि तय वार्षिक साधारण सभाको बैठकका लाग प्रस्तावित बजेट संसोधनसहित पास गर्ने निर्णय भएको बताइएको छ ।
त्यस्तै आर्थिक वर्ष २०८०/०८१ को बार्षिक कार्यक्रमको बजेट असार मसान्तसम्म पास भएको छ । त्यसपछिका लागि एन्फाका वरिष्ठ उपाध्यक्ष वीरबहादुर खड्काको संयोजकत्वमा ५ सदस्यीय बजेट मस्यौदा तयारी मुल समिति गठन भएको छ । समितिमा उपाध्यक्ष विराटजंग शाही, दीर्घबहादुर केसी (कुमार), दीपक खतिवडा र सदस्य रविन्द्र चन्द रहेका छन् ।
त्यस्तै सन् २०२४ मा आयोजना हुने अन्तर्राष्ट्रिय प्रतियोगितामा भाग लिने विषयमा पनि कार्यसमितिले निर्णय भएको बताइएको छ । ती पदाधिकारीको अनुमानमा अझै केहि दिन बैठक चल्ने सम्भावना छ । अन्य एजेण्डा थप जटिल खालको रहेको उनको बुझाई छ ।
चौथो एजेण्डामा साधारण सभामा पेश गर्ने आर्थिक नियमावली र कार्यविधि संसोधन रहेको छ । जसमा महासचिवलाई ३० लाख रुपैयाँ सम्मको टेन्डर एकल निर्णयमा स्वीकृत दिने अधिकार दिनेलगायतका अन्य प्रस्ताव रहेको बुझिएको छ । त्यसमा केन्द्रिय समितिका पदाधिकारी र सदस्यले आपत्ती जनाउने सम्भावना रहेको बताइएको छ ।
त्यसअघि तेस्रो दिनको बैठकमा एन्फाले विगतमा सन्चालन गरेको धरान, च्यासल र महिला एकेडेमीका लाग बजेट छुट्याउन प्रस्ताव गरिएको र बुटवलको एकेडेमीका लागि बजेट प्रस्ताव नगरिएकोमा विवाद भएको थियो ।
बुटवलका लागि बजेट प्रस्ताव नगरेकोमा उपाध्यक्ष दीर्घबहादुर (कुमार) केसीले गम्भिर आपत्ती जनाउँदै बैठक छाडेर निस्केका थिए । रुपन्देहीका केसीले आफूसँग व्यक्तिगत पूर्वाग्रहका आधारमा एन्फाका अध्यक्ष पंकजविक्रम नेम्वाङले बजेट कटौती गरेको आरोप समेत लगाएका थिए ।
पछि बजेट तयार पार्ने कर्मचारीले बुटवलको बजेट राख्न छुटेको स्पष्टिकरण दिन खोजे पनि त्यसमा केसी सहमत भएनन् । केसीले यो मुख्य नेतृत्वकै कमजोरीका कारण कर्मचारीबाट जवाफ माग्नु पर्ने दिन आएको गुनासो गरेको ती पदाधिकारी बताए । केसीले बैठक छाडेपनि बुटवल एकेडेमीका लागि पनि बजेट छुट्याउनेमा सहमति बनेको बताइएको छ ।
फागुन १४ हुने एन्फा साधारण सभामा लाने प्रस्ताव टुंगो लगाउन केन्द्रीय समिति बैठक कहिले टुंगिने अनिश्चत अवस्था बनेको छ ।आफ्नो पक्षमा बहुमत नपुग्ने देखिएकाले पनि अध्यक्ष नेम्वाङ विगतमा जस्तो बहुमतका आधारमा अघि बढ्न सकिरहेका छैनन् ।
लागु औषध खैरो हिरोइनको कारोबारमा अदालतबाट दोषी रहेको र सजाय भुक्तान नगरी फरार रहेको पाइएको समाचार सार्वजनिक भएयता उपाध्यक्ष दावा लामा फुटबलका गतिविधिमा संलग्न छैनन् । तेस्रो दिनको बैठकमा पनि उनी उपस्थित भएनन् ।
जसका कारण बाँकी २० सदस्यीय केन्द्रीय समितिमा १०/१० को अवस्था रहेको देखिएको ती पदाधिकारीले बताए । साधारण सभाका लागि यो बैठकले एजेण्डालाई अन्तिम रुप दिनुपर्ने भएकाले पनि बैठकबाट प्रस्ताव पास गर्नुपर्ने बाध्यता नेम्वाङमाथि रहेको छ ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]