काठमाडौं (हाम्रो खेलकुद) – कीतिपुरको नेपाल एपिएफ स्कुल, सल्लाघारीको सैनिक आवासीय महाविद्यालय, कीर्तिपुरको लेबोरेटरी मावि र साँगा नेपाल पुलिस स्कुल अन्तर विद्यालय सशस्त्र प्रहरी महानिरीक्षक रनिङ्ग ट्रफी फुटबल प्रतियोगिताको क्वार्टरफाइनलमा पुगेका छन् ।

सैनिक महाविद्यालयले बुद्धनगरको काव्या स्कुललाई १४–० ले हरायो । सैनिकका डिग विजय शाही एक्लैले ९ गोल, दिपेश दुम्जानले २ रोहित श्रेष्ठ, समर्पण सुनार र अनुभवन पुरीले समान १ गोल गरेका थिए ।

लेबोरेटरीले कलंकीको नेपालय उच्चमाविलाई १०–० ले हरायो । लेबोरेटरीका विष्णु चन्दले ह्याट्रिक गरे भने एकराज दाहाल, रितिक फडेर र आर्यन थापाले समान २ तथा गोल गरेका थिए । १ गोल आत्मघाती भएको थियो ।

एपिएफ (ख) र ब्राईट होराईजन चिल्ड्रेन्स होम मातातिर्थलाई टाइब्रेकरमा ४–३ले हरायो । निर्धारित समयसम्म १–१ को बराबरीपछि टाइब्रकेरमा एपिएफ विजयी भएको थियो ।

अन्तिम खेलमा पुलिस स्कुले हात्तिबनको लिटिल एन्जल्स स्कुललाई ४–२ गोल ले हरायो । पुलिसका राजु आर्जीले २ तथा मिजेश श्रेष्ठ र प्रशान्त मोक्तानले समान १ गोल गरेका थिए।

प्रतियोगितामा बुधबार मनकामना सेकेण्डरी स्कुल र जेम्स स्कुल बीच क्वाटफाइनल खेल हुनेछ ।