7 months ago
February 10, 2024
काठमाडौँ (हाम्रो खेलकुद) – चिनियाँ नयाँ वर्षको अवसरमा दशरथ रंगशालामा जारि खेलमा नेपाली युवा टोलीले मध्यान्तरसम्म युशु युवा टोलीविरुद्ध दुई गोलको अग्रता लिएको छ । नेपालका लागि सन्जीब विष्ट र समिर तामाङले एक-एक गोल गरेका हुन् ।
सुरुवाती समय देखि नै आक्रामक देखिएको नेपाली टोली पाहुना टोलीमाथि हावी हुन पुग्यो । खेलको पहिलो मौका भने युशुलाई गएको थियो । तर त्यसलगत्तै अर्कोतर्फा नेपालले अग्रता बनाउन सफल भयो ।
पहिलो मिनेटमा नै युशुका वुझोउ निमाले बललाई जालिमा हालेका थिए तर रेफ्रीले अफसाइड दिएपछि गोल मान्य भएन । तर दोस्रो मिनेटमा नै नेपालले अग्रता लिन सफल भयो । आयुष घलानले लेफ्ट विङमा एक डिफेन्डर छक्याएर खेलेको क्रसमा सन्जीव विष्टले हेडर मार्फत गोल गर्दै खेलमा नेपाली युवा टोलीले अग्रता लिएको थियो ।
पाँचौं मिनेटमा नेपाल अग्रता दोब्बर बनाउनबाट चुक्यो । तर उत्सव राईको क्रस आयुषको केही माथिबाट बाहिरिन पुग्यो । आठौं मिनेटमा युशुका डान्झोउ जियाङकाईको प्रहार पोस्टको थोरै टाढाबाट बाहिरियो ।
१२औं मिनेटमा आयुषकै क्रसमा लाकेन लिम्बूको हेडर पोस्टको थोरै टाढाबाट बाहिरियो । फारपोस्टमा छिरिङ लामाले बललाई पोस्ट तर्फ प्रहार गर्ने प्रयास गरेका थिए तर बलमा सम्पर्क बनाउन सकेनन् ।
२७औं मिनेटमा आयुषकै फ्रिकिकमा लाकेनको हेडर पुनः पोस्टतर्फ जान सकेन । दुई मिनेट पछि समिर तामाङले बायाँ फ्लान्कमा रन बनाएर खेलेको क्रसमा सन्जीवले पोस्टतर्फ प्रहार गर्न सकेनन् । ३५औं मिनेटमा मनिष डाँगीको प्रहार युशुका गोलरक्षक दान्जेङ निछिले सहजै समाते ।
३९औ मिनेटमा नेपाली टोलीले अग्रता दोब्बर बनायो । छिरिङ लामाको क्रसमा समिर तामाङको क्लोज-रेञ्ज हेडरले युशुका गोलरक्षकलाई बिट गरेको थियो ।
त्यसपछि पनि नेपालले लगातार आक्रमण बुनिरहेको थियो । ४५औ मिनेटमा सुमितको लङ-रेञ्ज प्रहार क्रसबारमा लागेर पोस्टमाथिबाट बाहिरियो ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]