काठमाडौं (हाम्रो खेलकुद) – नेपालविरुद्ध जारी दोस्रो ओडीआई खेलमा क्यानडाले ब्याटिङमा राम्रो सुरुवात गरेको छ ।

टस जितेर ब्याटिङ रोजेको क्यानडाले १५ ओभरसम्म पनि विकेट गुमाएको छैन । ओपनरद्वय आरोन जोन्सन र नवनित धलिवलले राम्रो ब्याटिङ गरेका छन् । १५ ओभरमा क्यानडाले ८१ रन जोडेको छ ।

जोन्सनले ४२ बलमा ७ चौकासहित ३७ रन जोडेका छन् । त्यस्तै धलिवल ४८ बलमा समान ७ चौकासहित ३८ रन जोडेर खेलिरहेका छन् ।

टस जितेर क्यानडाका कप्तान साद बिन जफरले पहिलो ब्याटिङ रोजेका हुन् । नेपालले टोलीमा ३ परिवर्तन गरेको छ । आकाश चन्दले डेब्यु पाउँदा अनिल शाह र देव खनाल टोलीमा छन् । क्यानडाले एक परिवर्तन गर्ने क्रममा डिलोन हेलिगरको स्थानमा दिलप्रित बज्वा टोलीमा आएका छन् ।

नेपालको प्लेइङ ११: रोहित पौडेल (कप्तान), अनिल शाह, कुशल मल्ल, देव खनाल, भीम सार्की, पवन सर्राफ, रिजन ढकाल, सूर्य तामाङ, आसिफ शेख, सोमपाल कामी, आकाश चन्द

बेन्च : हेमन्त धामी, कुशल भुर्तेल, आरिफ शेख, ललित नारायण राजवंशी

क्यानडाको प्लेइङ ११ : आरोन जोन्सन, नवानित धलिवल, निकोलस किर्तन, डिलोन हेलिगर, हर्ष ठाकर, साद बिन जाफर (कप्तान), दिलप्रित बज्वा, श्रेयास मोभा, इश्वरजोत सोहि, पर्गत सिंह, उदय भगवान सिंह