काठमाडौं (हाम्रो खेलकुद) – चिनियाँ नयाँ वर्षको अवसरमा चीनको युशु युवा टोली विरुद्ध मैत्रीपूर्ण खेल खेल्ने नेपाली युवा टोलीको घोषणा भएको छ । टोलीलाई प्रशिक्षण गरिरहेका राष्ट्रिय टोलीका मुख्य प्रशिक्षक भिन्सेन्जो अल्बर्टो एनेसेले २३ सदस्सीय युवा टोली घोषणा गरेका हुन् ।

टोलीमा राष्ट्रिय टोलीका नियमित सदस्य रहेका आयुष घलान, मनिष डाँगी, उत्सव राई र लाकेन लिम्बू जस्ता खेलाडीहरु पनि रहेका छन् । मैत्रीपूर्ण खेलमा लागि चिनियाँ टोली बुधबार नै काठमाडौं आइपुगेको छ ।

खेल दशरथ रंगशालामा शनिबार दिउँसो ३ बजे सुरु हुने छ । त्यसअगाडि चिनियाँ ड्रागन शो, मार्सल आर्ट शो लगायत अन्य कार्यक्रम समेत रहेको एन्फाले जनाएको छ ।

एन्फाले टिकट मूल्य समेत निर्धारण गरिसकेको छ । साधारण तर्फ टिकटदर रु ३०० र भिआईपि तर्फ रु ५०० निर्धारण गरिएको छ । टिकट खरिद गर्ने दुई जना भाग्यशाली दर्शकका लागि काठमाडौँ-ल्हसा-काठमाडौँको हवाई टिकट समेत प्रदान गरिने एन्फा जानकारी दिएको छ ।

नेपाली युवा टोली:

गोलकिपर: पूजन होना, विशाल सुनार, सन्तोष महत

डिफेन्डर: पदम भट्टराई, अजय चौधरी, एन्जल महर्जन, छिरिङ लामा, योगेश गुरुङ, आशिक बाबु, सुमित श्रेष्ठ, विशाल बस्नेत

मिडफिल्डर: आयुष घलान, प्रशान्त लक्सम, उत्सव राई, लाकेन लिम्बू, सन्तोष खत्री, रोहन कार्की, चन्दन कुमार, कुशल देउवा

फरवार्ड: समिर तामाङ, सन्जीव विष्ट, निराजन धामी, मनिष डाँगी