7 months ago
February 8, 2024
काठमाडौं (हाम्रो खेलकुद) – साफ यू-१९ महिला च्याम्पियनसिपमा बिहीबार भारत र बंगलादेश दुबै टोलीलाई संयुक्त रूपमा विजेता घोषित गरिएको छ।
पेनाल्टी सुटआउटपछि रेफ्रीको विवादास्पद निर्णयका कारण केही तनावग्रस्त अवस्था बनेको खेलमा सुरुवातमा भारतलाई विजेता घोषणा गरिएको थियो । तर केही समयपछि निर्णय उल्ट्याउँदै दुबै टोलीलाई विजेता घोषणा गरिएको हो ।
निर्धारित ९० मिनेट १-१ को बराबरी र त्यसपछि टाइब्रेकर र सडन डेथमा ११ खेलाडीको प्रहारमा पनि बराबर भएपछि खेलको नतिजा क्वाइन टसमार्फत भएको थियो । भारतले क्वाइन टस जित्दै उपाधि जितेको घोषणा भएको थियो । तर बंगलादेशको टोली भने नतिजाको विरोध गर्दै मैदान छोड्न मानेन । निकै समय पछि म्याच कमिस्नरले सो निर्णय रद्द गर्दै दुबै टोलीले उपाधि जितेको घोषणा गरेका हुन् ।
बिहीबार साँझ भएको फाइनलमा पाहुना टोली भारतले अग्रता लिएको थियो । नितु लिन्डाले आठौं मिनेटमा गोल गर्दै भारतलाई अघि बढाएकी थिइन् । तर खेलको अन्तिम समयमा बंगलादेशले बराबरी गोल फर्काएपछि खेल टाइब्रेकरमा पुग्यो । दुबै टोलीले टाइब्रेकरमा बराबर गरेपछि खेलको निर्णय क्वाइन टसमा लिइएको थियो ।
नेपाली रेफ्री अन्जना राईले गरेको टसमा भारत विजयी भएपछि उपाधि भारतले जितेको हो । तर असन्तुष्ट बंगलादेशले भने खेल सकिएको धेरै समय बितिसक्दा पनि मैदान छोड्न नमानेपछि निर्णय बदलिएको थियो।
नेपाल भने प्रतियोगिताको समूह चरणबाट बाहिरिसकेको थियो । नेपालले समूह चरणमा भुटानलाई १-० ले हराउँदा भारत र बंगलादेशसँग भने पराजित भएको थियो ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]