7 months ago
February 7, 2024
काठमाडौं (हाम्रो खेलकुद)– घरेलु फुटबल प्रतियोगिताको क्यालेन्डर निकाल्न असफल अखिल नेपाल फुटबल संघ (एन्फा) ले तेस्रो अब साधारण सभाको नाममा साधारण सभामा उपस्थित हुने प्रतिनिधिबीच फुटबल प्रतियोगिता गर्ने भएको छ ।
फागुन १४ गते हुने नियमित साधारण सभाको अघिल्लो दिन फागुन १३ गते प्रतिनिधिहरु सम्मलित टिमबीच ‘एजिएम कप’ फुटबल प्रतियोगिता आयोजना गर्ने भएको छ । त्यसका लागि एन्फा महासचिव किरण राईले बुधबार एन्फा आबद्धका ए,बी, सी डिभिजन क्लब, ४८ जिल्ला फुटबल संघ, एन्फाको रेफ्री, प्रशिक्षक, खेलाडी, महिला संघ, राष्ट्रिय लिगका लागि छनोट भएका खेलाडी, सात वटा प्रदेश संघ , एन्फा कार्यसमितिका पदाधिकारी र सदस्यहरुलाई पत्रचार गरेको छन् ।
पत्रमा प्रतिनिधिको सहभागिता रहने नरहने खुलाई जर्सीको साइज फागुन ४ गते सम्म उपलब्ध गराउन भनिएको गरेको छ ।
एन्फाले प्रतियोगिताका नाममा यो वर्ष ए डिभिजन लिग र यू १६ लिग बाहेक कुनै गर्न सकेको छैन । तर सौखका लागि भने तेस्रो मैत्रीपूर्ण खेल खेल्ने तयारीमा छ ।
केहि साता अघि मात्र केपी ओली कपको आयोजक राष्ट्रिय युवासँग मैत्रीपूर्ण खेल खेलेको थियो । झण्डै ११ महिना अघि एन्फाले च्यासल फुटबल रंगशालाको पुनः उद्घाटनका क्रममा पनि मैत्रीपूर्ण खेल खेलेको थियो । त्यसबाहेक एन्फाले पत्रकारसँग पनि वार्षिक रुपमा जसो मैत्रीपूर्ण खेल खेल्ने गरेको छ ।
आपसी सम्बन्ध विस्तारका लागि फरक संस्थासँग केहि अवसरमा मैत्रीपूर्ण खेल खेल्नुलाई स्वभाविक मान्न सकिन्छ तर व्यवासायिक फुटबल गराउन नसक्ने एन्फाले आफ्नै प्रतिनिधिबीच ‘एजिएम कप’ नाम दिएर प्रतियोगिता खेलाउने तयारी गर्दा आलोचना भएको छ ।
एन्फाले आफैं फुटबल गतिविधि गर्न नसकेको अवस्थामा जिम्मेवार प्रतिनिधि नै मैदानमा प्रतियोगिताको नाम दिएर उत्रंदा एन्फाको यो कदमप्रति कतिपय प्रतिनिधिहरुले नै सामाजिक सन्जालमा आलोचना गरेका छन् ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]