काठमाडौं (हाम्रो खेलकुद) – लिग चरणको अन्तिम खेलमा भारत सँग पराजित हुँदै नेपाल साफ यू-१९ महिला च्याम्पियनसिपबाट बाहिरिएको छ । फाइनल पुग्न जित्नै पर्ने खेलमा भारत विरुद्ध ४-० को फराकिलो हार बहोरेसंगै नेपाल लिग चरण बाटै बाहिरिएको हो ।

भारतले नेहाको ५४औं मिनेटको गोल सँगै अग्रता लिएको थियो । ८०औं मिनेटमा उनले नै व्यक्तिगत दोस्रो गाेल गर्दै अग्रता दोब्बर बनाएकी थिइन् ।

८५औं मिनेटमा सुलाञ्जना राउलले तेस्रो गोल गर्दा इन्ज्युरी समयको तेस्रो मिनेटमा सिन्डी कोल्नीले चौथो गोल गर्दै भारतको जित सुनिश्चित गरिन् ।

जित सँगै भारतले बंगलादेश विरुद्ध फाइनल भेट पक्का गरेको छ । बंगलादेशले आफ्नो पहिलो दुई खेलमा नेपाल र भारत माथि जित निकाल्दै एक खेल अगावै फाइनलमा आफ्नो स्थान पक्का गरेको थियो ।

भारतको ३ खेलमा ६ अंक भएको छ । बंगलादेशको २ खेलमा ६ अंक छ । बंगलादेशले आज भुटान विरुद्ध खेल्दै छ ।

नेपालले ३ खेलमा ३ अंक सहित प्रतियोगिता अन्त्य गरेको छ । भुटान अंक विहिन छ ।

भारतले पहिलो खेलमा भुटान माथि १०-० लो फराकिलो जित निकालेको थियो भने दोस्रो खेलमा बंगलादेश विरुद्ध १-० ले पराजित भएको थियो ।

नेपाल भने पहिलो खेलमा बंगलादेश विरुद्ध ३-१ ले पराजित भएको थियो भने दोस्रो खेलमा भुटान माथि १-० को जित निकालेको थियो ।