एसियन कप सेमिफाइनल – जोर्डन र दक्षिण कोरिया भिड्दै

एजेन्सी – कतारमा जारी एएफसी एसियन कपको पहिलो सेमिफाइनलमा आज जोर्डन र दक्षिण कोरिया भिड्दै छन् । खेल नेपाली समय अनुसार बेलुका ८:४५ बजे अहमद विन अलि स्टेडियममा सुरु हुने छ ।

जोर्डन र दक्षिण कोरिया समूह चरणमा एउटै समूहमा रहेका थिए । समूह चरणमा यी दुई टोली बीचको खेल २-२ को बराबरीमा सकिएको थियो । दक्षिण कोरिया दोस्रो हुँदै र जोर्डन तेस्रो हुँदै नकआउट चरणमा प्रवेश गरेका थिए । जोर्डनले अन्तिम १६ मा ईराक विरुद्ध ३-१ को जित निकालेको थियो भने क्वाटरफाइनलमा ताजिकिस्तान माथि १-० को जित दर्ता गरेको थियो ।

यस्तै दक्षिण कोरिया नाटकीय रूपमा दुई नकआउट खेलमा विजयी भएको थियो । कोरियाले दुबै खेलमा इन्ज्युरी समयमा गोल गर्दै अतिरिक्त समयमा खेल धकेलेको थियो । अन्तिम १६ मा साउदी अरेबिया माथि टाईब्रेकरमा जित निकालेको कोरियाले क्वाटरफाइनलमा अष्ट्रेलिया माथि अतिरिक्त समयमा गोल गर्दै जित दर्ता गरेको थियो ।

जोर्डन इतिहासमा पहिलो पटक एसियन कपको सेमिफाइनल खेल्दै छ । एसियामा बलियो टोलीका रूपमा रहेपनि दक्षिण कोरिया ६४ वर्ष पछि उपाधि उठाउने दाउमा छ ।

आजको विजेताले भोलि हुने कतार र इरान बीचको विजेता सँग उपाधिका लागि खेल्ने छ ।

एसियन कप सेमिफाइनल – जोर्डन र दक्षिण कोरिया भिड्दै

Latest News

Popular News

फुटबल

जर्मनीको फराकिलो जित

नेसन्स लिगमा इङ्ग्ल्यान्डको जित

बार्सिलोनाको अधिकारिक समर्थक क्लब नेपालमा

चर्चित खेलहरु:

उपयोगी लिङ्कहरू

सम्पर्क

सामाजिक संजाल