12 months ago
February 3, 2024
एजेन्सी – उपाधि दावेदार टोली जापानमाथि नाटकीय जित दर्ता गर्दै इरान कतारमा जारी एएफसी एसियन कपको सेमिफाइनलमा प्रवेश गरेको छ । शनिबार साँझ भएको तेस्रो क्वाटरफाइनल खेलमा इरानले जापान माथि २-१ को रोमाञ्चक पुनरागमन जित दर्ता गरेको हो ।
खेलमा जापानले सुरुवाती अग्रता लिएको थियो । खेलको २८औं मिनेटमा हिडेमासा मोरिटाले गोल गर्दै जापानलाई सुरुवाती अग्रता दिलाएका थिए ।खेलको ५५औं मिनेटमा इरानले खेलमा बराबरी गोल गर्यो । सरदार आजमुनको असिस्टमा मोहम्मद मोहेबिले गोल गर्दै खेल बराबरीमा ल्याए ।
१-१ कै अवस्थामा अतिरिक्त समयमा धकेलिएको खेलमा इन्ज्युरी समयमा इरानले पेनाल्टी मार्फत गोल गर्दै जित हासिल गर्ने अवसर प्राप्त गर्यो । को इटाकुराले बक्स भित्रबाट फाउल गरेपछि इरानले पेनाल्टी पाएको थियो । पेनाल्टीमा अलिरेजा जाहानबक्सले गोल गर्दै इरानको अन्तिम चारमा स्थान सुरक्षित गरे ।
इरानले अब सेमिफाइनलमा कतार र उज्बेकिस्तान बीचको खेलको विजेता विरुद्ध खेल्ने छ । सो क्वाटरफाइनल खेल आज ९:१५ बजे हुने छ ।
दक्षिण कोरिया र जोर्डन आ-आफ्नो खेलमा जित दर्ता गर्दै अन्तिम चारमा प्रवेश गरिसकेका छन् ।
January 19, 2025
हिमाल खरेल, बिर्तामोड भारतको सुदेवा दिल्ली एफसीलाई हराउँदै फुटबल क्लब झापा ११ एफसी भारतको सिक्किममा जारी १० औं अल इन्डिया चिफ मिनिस्टर्स गोल्डकपको फाइनलमा प्रवेश गरेको छ । सिक्किमको जोरथाङ रंगशालामा आज भएको अन्तिम सेमिफाइनल खेलमा भारतको सुदेवा एफसी नयाँ दिल्लीलाई २-१ ले हराउँदै झापा ११ उपाधिनजिक पुगेको हो । उपाधिका लागि झापा ११ ले […]
January 19, 2025
काठमाडौं (हाम्रो खेलकुद)- चन्द्रा भण्डारी एक्लैले ५ गोल गर्दा त्रिभुवन आर्मी फुटबल क्लबले वालिङ नगरपालिकालाई आइतवार ६-१ गोल अन्तरले हराउँदै एन्फा महिला लिगको अन्तिम चरणको क्वालिफायर १ मा स्थान बनाएको छ। हारमा वालिङ लिगबाट बाहिरिएको छ। आजको यो नतिजामा प्ले अफको समीकरण समेत पूरा भएको छ। क्वालिफायर १ मा आर्मी र एपिएफ फुटबल क्लबबीच प्रतिस्पर्धा […]
January 19, 2025
मेलबर्न (हाम्रो खेलकुद) – अस्ट्रेलियाको मेलबर्नमा रहेको यती फुटबल क्लबले वार्षिक रूपमा आयोजना गर्दै आइरहेको फुटबल प्रतियोगिता ‘कँडेल कप २०२५’ फागुन अन्तिम साता हुने भएकाे छ । आयोजक यती फुटबल क्लबले प्रेस विज्ञप्ति जारी गर्दै १४औं संस्करणको ‘कँडेल कप २०२५’ आगामी मार्च ८ र ९ तारिखमा मेलबर्नको डार्बिन अन्तर्राष्ट्रिय स्पोट्र्स सेन्टरमा हुने जानकारी गराएकाे छ […]
