7 months ago
January 31, 2024
काठमाडौं (हाम्रो खेलकुद) – बंगलादेशमा यसै साता सुरु हुने साफ यू-१९ च्याम्पियनसिपका लागि रेफ्रीमा नियुक्त भएकी राधिका शाक्य अखिल नेपाल फुटबल संघ (एन्फा) को कारण विमानस्थलबाटै फर्कनुपरेको छ ।
प्रतियोगिताका लागि नेपालको यू-१९ महिला टोलीसँग नेपालका दुई रेफ्री पनि बंगलादेश जाने कार्यक्रम थियो । यसका लागि फिफा रेफ्री अन्जना राई र सहायक रेफ्री राधिका शाक्य नेपालबाट नियुक्त भएका थिए । एन्फाले दुई दिनअघि नेपाली टोलीको बिदाइ गर्ने क्रममा राई र शाक्यलाई बिदाइ पनि गरेको थियो । तर भिसा र टिकट पक्का भइसकेको अवस्थामा शाक्य भने बुधबार बिहान विमानस्थल पुगेर फर्कनुपरेको छ ।
शाक्यसँग साफबाट नियुक्ति आएको पत्र, भिसा र टिकट लगायत सम्पूर्ण कागजात भएपनि साफ यू१९ महिला च्याम्पियनसिपका लागि बंगलादेश जान पाइनन् । एन्फाले अन्तिम समयमा उनको नियुक्ति नै रद्द गरिदिएको विमानस्थल पुगेपछि मात्र शाक्यले थाहा पाइन् । उनले एन्फाबाट भने यसको जानकारी पाएकी छैनन् । विमानस्थल पुगेर एन्फाकै एक कर्मचारीबाट उनको नियुक्ति रद्द भएको शाक्यले थाहा पाइन् ।
‘साफबाट नियुक्ति आएको थियो । भिसा र टिकट पनि भएपछि आज बिहान बंगलादेश जान विमानस्थल पुगें । तर त्यहाँ पुगेपछि मेरो नियुक्ति रद्द भइसकेको थाहा भयो । एन्फाले अहिलेसम्म अधिकारिक जानकारी दिएको छैन । यस्तो अवस्था सामना गर्नुपर्यो, के भन्ने थाहा छैन,’ रेफ्री शाक्यले हाम्रो खेलकुदलाई भनिन् ।
एन्फा महसचिव किरण राईले भने यो विषयमा आफू भर्खर थाहा पाएको बताए। ‘मैले पनि भर्खर थाहा पाए । के भएको रहेछ बुझ्दैछु ,’ राईले भने ।
एन्फाले झन्डै १ वर्षअघि उपाध्यक्ष विराटजंग शाहीलाई पनि फिफा कांग्रेस जाने समयमा विमानस्थलबाट फर्काएको थियो । यसबारे शाहीले पत्रकार सम्मेलन गर्दै ४० वर्षको फुटबल करिअरमा यस्तो अपमान नभोगेको बताएका थिए ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]