मध्यपुर (हाम्रो खेलकुद)- मध्यपुर युथ एसोसिएसनको आयोजना यो महिनाको‌ अन्त्यमा दोस्रो मध्यपुर थिमी नगरपालिका वडा लिग फुटबल प्रतियोगिता हुने भएको छ।

मध्यपुर थिमी नगरपालिकाले आर्थिक सहयोगमा माघ २९ गते देखि फागुन २४ गतेसम्म हुने मंगलबार पत्रकार सम्मेलनमा जानकारी दिइयो।

मध्यपुर थिमी नगरपालिकाका‌ मेयर सुरेन्द्र श्रेष्ठ र मध्यपुर युथ एसोसिएसनका‌ अध्यक्ष उपेन्द्रमान सिंहले सम्झौता पत्रमा हस्ताक्षर गरे।

मध्यपुर थिमि नगरपालिका ९ वडाहरुले सहभागिता रहने लिग राउण्ड रोबिनको आधारमा खेल हुनेछ । हरेक टोलीले ८ खेल खेल्ने लिगमा ३६ खेल हुने बताइएको छ। लिग स्थानीय बासिन्दाले मात्र खेल्न पाउनेछन्।

लिगको विजेताले २, लाख ५० हजार, दोस्रोले १ लाख २५ हजार र तेस्रो टोलीले ६० हजार रुपैयाँ प्राप्त गर्नेछ।
प्रत्येक खेलको म्यान अफ द म्याच खेलाडीले ट्रफी प्राप्त गर्नेछन् । प्रतियोगिताको उत्कृष्ट गोलकिपर डिफेन्स, मिडफिल्ड , फरवार्ड र प्रशिक्षकले समान १० हजार रुपैयाँ प्राप्त गर्नेछन्।

प्रतियोगिताका सर्वोकृष्ट खेलाडीले २० हजार र फेयर प्ले टोलीले २५ हजार रुपैयाँ प्राप्त गर्नेछ। २८ लाख २४ हजार खर्च हुने अनुमान गरिएको प्रतियोगिताका‌ लागि मध्यपुर थिमी नगरपालिकाले २५ लाख रुपैयाँ उपलब्ध गराउने बताइएको छ । सहिद स्मारक बि डिभिजन टोली मध्यपुर २०६३ सालमा स्थापना भएको हो ।