राष्ट्रिय लिग पुन: सुचारु भएदेखि यु-१९ टोलीका कप्तान विमल घर्ति मगर टोलीमा राखेको सुदुरपश्चिम फुटबल क्लबले कुनै खेल हारेको छैन|

विमलले सुदुरका लागि खेलेको तिन खेलमा दुई गोल गरेका छन् र उनको प्रदर्शन पनि उत्कृष्ट रहेको छ| यु१९ टोलीका अधिकांश खेलाडी रहेको सुदुरको टोलीमा जम्न उनलाई धेरै कठिन पनि भएन| लुम्बिनी बिरुद्ध एन्फा कम्प्लेक्समा भएको खेलमा डेब्यु गरेका विमलले त्यस खेलमा सुदुर १-०ले पछी परेको स्थितिमापेनाल्टीमार्फत गोल गर्दै खेल बराबरीमा पुर्याएका थिए| सो खेलमा सुदुरले ३-१ले विजयी भयो भने विमलले म्यान अफ त म्याचको पुरष्कार पाएका थिए|

सुदुरका लागि दोश्रो र तेश्रो खेल बाहिरी जिल्लाका टोलि झापा ११ र मोरंग संग खेलेका विमलले मोरंग विरुद्धको ५-१को जितमा पनि गोल गरेका थिए| झापा ११ जस्तो सशक्त टोलीलाई उसकै घरेलु मैदानमा १-१ को बराबरीमा रोक्दा सुदुरले १-०को अग्रता गुमाउन परेको थियो|

सुदुर अहिले अंक तालिकामा १४ अंकसहित चौथो स्थान मनाङ र ए.पी.एफजस्ता टोलीभन्दा माथि छ| सुरुको आठ खेलमा सात अंक मात्र जोड्न सकेको सुदुरले विमलको आगमनसंगै जम्मा तिन खेलमै सात अंक जोडिसकेको छ| विमलसंगै तेज तामाङ पनि सुदुर टोलीमा भर्खर खेल्दै छन्|

सुदुरको टोलीमा साफ विजेता यु१९ टोलीका गोलकिपर देव लिम्बु, डिफेन्डर अनन्त तामाङ, दिनेश राजबंशी, आकाश थापा, अमित तामाङ, सुदन थापा, गौरब थापा, मिडफिल्डर हेमन्त थापा मगर, सुनिल बल,  र फरवार्ड शिव सुबेदी र जनोम मान लिगल पनि छन्|