एजेन्सी – दश जनामा सिमित इराक विरुद्ध इन्ज्युरी समयमा दुई गोलका साथ नाटकीय पुनरागमन गर्दै जोर्डन एएफसी एसियन कपको क्वार्टरफाइनलमा प्रवेश गरेको छ । जोर्डनले इराक विरुद्ध ३-२ को जित निकाल्दै अन्तिम आठमा आफ्नो स्थान पक्का गरेको हो ।

खेलमा सुरुवाती अग्रता लिएको जोर्डन बीचमा लय गुमाउँदै पछि परेको थियो । पहिलो हाफको अन्त्यतिर याजान अल-नैमातले गोल गर्दै खेलमा जोर्डनलाई अग्रता दिलाएका थिए ।

६८औं मिनेटमा इराकले साद नाजीको गोलको मद्दतमा खेल बराबरीमा ल्यायो । आइमान हुसेनले ७६औं मिनेटमा इराकका लागि दोस्रो गोल गर्दै आफ्नो टोलीलाई अग्रता दिलाए । तर गोल पश्चात रेफ्रीको आश्चर्यजनक निर्णयले खेलको रंग नै परिवर्तन गर्यो ।

हुसेनले खेलको सुरुमा जोर्डनका खेलाडीहरूले गरेको सेलिब्रेसनको नक्कल गरे। र त्यसका लागि, उनले दोस्रो पहेँलो कार्ड पाए र पिच छोड्नुपर्‍यो। त्यसपछि खेलमा जोर्डनले वर्चस्व कायम गर्न थाल्यो ।

जोर्डनले इन्ज्युरी समयमा दुई गोल गर्न पुग्यो । इन्ज्युरी समयको पाँचौं मिनेटमा याजान अल-अरबले गोल गर्दै खेल बराबरीमा ल्याए । त्यसको दुई मिनेट पछि नै निजार अल राशदानले बक्स बाहिरबाट उत्कृष्ट गोल गरेर इराकलाई स्तब्ध बनाए ।

जोर्डनले अब सेमिफाइनल प्रवेशका लागि ताजिकिस्तान विरुद्ध खेल्ने छ । सो खेल फेब्रुअरी २ का दिन हुने छ ।