9 months ago
January 27, 2024
एजेन्सी – स्पेनिस ला लिगामा शनिबार लास पालमास विरुद्ध जित निकाल्दै रियल म्याड्रिड तालिकाको शीर्षस्थानमा उक्लिएको छ । रियलले २-१ को पुनरागमन जित निकाल्दै पहिलो स्थानमा उक्लिएको हो ।
रियलको जितमा भिनिसियस जुनियर र औरेलिन चुवामेनीले गोल गरे । पालमासको लागि जाभियर मुनोजले गोल गरे।
लास पालमासले ५३औं मिनेटमा सुरुवाती अग्रता लिएको थियो । सान्ड्रो रमिरेजको पासमा मुनोजले गोल गर्दै खेलमा घरेलु टोलीलाई अग्रता दिलाएका थिए ।
तर रियलले दोस्रो हाफमा दुई गोल गर्दै जित निकाल्यो । ६५औं मिनेटमा एडवार्डो कामाभिंगाको सुन्दर पासमा गोल गर्दै भिनिसियसले खेललाई बराबरीमा ल्याएका थिए ।
दोस्रो गोल रियलले ८४औं मिनेटमा गर्यो । टोनी क्रुसको कर्नरमा चुवामेनीले हेडर मार्फत गोल गर्दै रियललाई जित दिलाए ।
जित पछि रियल २१ खेलमा ५४ अंक सहित तालिकाको शीर्ष स्थानमा उक्लिएको छ । दोस्रो स्थानमा रहेको जिरोनाको समान २१ खेलमा ५२ अंक छ ।
October 30, 2024
काठमाडौं (हाम्रो खेलकुद) – राजेन्द्र तामाङले राष्ट्रिय महिला फुटबल टोलीको मुख्य प्रशिक्षक पद गरेको बताएका छन् । महिला साफ च्याम्पियनसिपको फाइनलमा बुधवार बंगालादेशसँग २-१ ले पराजित भएपछिको पोस्ट म्याच कन्फ्रेन्समा अब राष्ट्रिय महिला टोली नहेर्ने बताएका हुन्। ‘अब महिला राष्ट्रिय टोली हेर्दिन’, उनले भने ,’सायद अब क्लब हेर्छु होला ।’ तामाङको नेतृत्वमा महिला टोलीले गत […]
October 30, 2024
सुबास हुमागाईं, काठमाडौं साविक विजेता बंगलादेशले घरेलु टोली नेपाललाई हराउँदै लगातार दोस्रो पटक साफ महिला च्याम्पियनसिपको उपाधि जितेको छ । दशरथ रंगशालामा बुधबार सम्पन्न फाइनलमा नेपाललाई २-१ ले हराउँदै बंगलादेशले उपाधि रक्षा गर्यो । बंगलादेशका लागि मोनिका चक्मा र ऋतु पोर्ना चक्माले १-१ गोल गरे । नेपालको लागि अमिशा कार्कीले बराबरी गोल फर्काएपनि नेपाल खेलमा […]
October 30, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत नेपाल र बंगलादेशबीच जारी फाइनलको पहिलो हाफ गोलरहित बराबरीमा सकिएको छ । दुवै टोलीले पहिलो हाफमा पाएको अवसर सदुपयोग गर्न सकेका छैनन् । सुरुवाती १० मिनेटमा नै दुवै टोलीको प्रहार क्रसबारमा लागेको थियो । बंगलादेशकी गोलरक्षक रुपना चक्माले आज लगातार गल्ती गरिरहेकी छिन् । खेलको पहिलो […]
