पोखरा (हाम्रो खेलकुद) – लक्ष्मी हुन्डाई मनाङ मस्र्याङ्दी क्लब १५औं आहा! रारा गोल्डकप फुटबल प्रतियोगिताको फाइनलमा पुगेको छ। पोखरा रंगशालामा बिहिबार सिएमजी संकटा क्लबलाई १-०ले हराउदै साविक विजेता समेत रहेको मनाङ फाइनलमा पुगेको हो।

मनाङले फाइनलमा आयोजक साहारा क्लबको सामना गर्नेछ। चार पटकको विजेता रहिसकेको मनाङका लागि नाइजेरियाका फरवार्ड ओलावाले आफिजले निर्णायक गोल गरेका थिए। उनले खेल सकिनुभन्दा चार मिनेट अगाडी गरेको गोल नै खेलको निर्णायक बनेको थियो। उनले विक्रम लिम्बुले हानेका फ्रिकिलाई विमल बस्नेतले दिएको पासलाई हेड गर्दै गरे । उनले हेड मार्फत दोस्रो बार च्याप्दै गरे । संकटा १० खेलाडीमा सिमित संकटालाई खेलको ८५ औ मिनेटमा मनाङमस्र्याङदील गोल गरेको थियो । ६० औ र ६३ औ मिनेटमा पहेलो कार्ड खादै संकटाका सुशिल केसी रातो कार्ड खादै खेल मैदानबाट बाहिरिए ।

म्यान अफ द म्याच रोहित चन्द

संकटा र मनाङले यसअघी खप्तड गोल्डकपको फाइनल खेलेका थिए। दश दिनअघि भएको उक्त फाइनलमा मनाङ १-०ले नै विजयी भएको थियो। त्यस खेलमा मनाङका कप्तान अनिल गुरुङले गोल गरेका थिए।

प्रतियोगिताको फाइनलमा पुगेको अर्को टोलि साहाराले भने बुधबार भएको सेमिफाइनलमा आर्मीलाई टाइब्रेकरमा ४-३ले हराएको थियो। फाइनल खेल शनिबार हुनेछ।