8 months ago
January 23, 2024
एजेन्सी – आइसीसी यू१९ विश्वकप अन्तर्गत नेपाल सम्मिलित समूह डी को खेलमा मंगलबार न्युजिल्यान्डले अफगानिस्तानलाई १ विकेटले हराएको छ ।
नेपालले पहिलो खेल खेलेको इस्ट लन्डन मैदानमा अफगानिस्तानले टस जितेर पहिलो ब्याटिङ रोजेको थियो । तर टोली २१.३ ओभरमा अलआउट हुँदै ९१ रन मात्र जोड्न सक्यो । न्युजिल्यान्डका बलरले खर्चेको २५ अतिरिक्त रन नै अफगानी इनिङमा सबैभन्दा ठूलो योगदान थियो ।
ओपनर जम्शिद जद्रानले २२ र अरब गुलले नटआउट १० रन बनाउनुबाहेक अन्यले दोहोरो स्कोरमा रन जोड्न सकेनन् । इनिङको चौथो बलमा हासान एसेखिलको विकेटबाट सुरु भएको पतन कुनै समय रोकिएन ।
जितका लागि ९२ रनको लक्ष्य पछ्याएको न्युजिल्यान्डले २८.२ ओभरमा ९ विकेट गुमाउँदै खेलमा जित हासिल गर्यो । एक समय २३-४ को स्थितिमा रहेको न्युजिल्यान्डका कप्तान इस्कार ज्याकसनले २६ रन जोडे । न्युजिल्यान्डले नेपालविरुद्ध शतक बनाएका स्नेहिथ रेड्डीलाई सामान्य चोटका कारण विश्राम दिएको थियो ।
जितका लागि २ रन आवश्यक हुँदा एवाल्ड श्र्वेडरलाई नन स्ट्राइक एण्डमा नासिर खानले रनआउट गरेपछि खेल रोमान्चक मोडमा पुगेको थियो । तर म्याट रोले त्यसपछिको बलमा २ रन लिँदै जित पक्का गरे ।
यस जितसँगै न्युजिल्यान्डको २ खेलमा ४ अंक भएको छ । पाकिस्तानको १ खेलमा २ अंक तथा नेपालले १ खेल खेल्दै खाता खोलेको छैन । नेपालले अब बुधबार पाकिस्तानको सामना गर्नेछ । लिगको अन्तिम खेलमा नेपालले शुक्रबार अफगानिस्तानको सामना गर्नेछ ।
हरेक समूहमा ४-४ टोली रहेको यस प्रतियोगितामा समूहको शीर्ष ३ स्थानमा रहने टोलीले सुपर ६ को यात्रा तय गर्नेछन् । त्यसपछि समूह ए का टोलीले समूह डी तथा समूह बी र समूह सी को टोलीले एक अर्कासँग खेल्नेछन् ।
सुपर सिक्सको दुई समूहको शीर्ष टोलीले भने सेमिफाइनलमा खेल्नेछन् । समूहमा पुछारका टोलीले पनि स्थान निर्धारणका लागि खेल्नेछन् ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]