12 months ago
January 23, 2024
दिपक बोहोरा, इलाम
पाँचथर फुटबल क्लब इलाममा जारी प्रथम एनआरएनए इलाम गोल्डकपको सेमिफाइनलमा प्रवेश गरेको छ ।
एनएसएल टोली बुटवल लुम्बिनी एफसीलाई मंगलबार टाइब्रेकरमा ४–३ ले हराउँदै पाँचथरले अन्तिम चारमा स्थान बनाएको हो ।
निकै प्रतिस्पर्धात्मक खेलमा निर्धारित समयमा २–२ को बराबरीमा टुंगिएको थियो । चौथो मिनेटमै कप्तान रोशन आङदेम्बेले गोलबाट पाँचथरले अग्रता बनाएको थियो । लुम्बिनी खेलमा फर्किन ३६औँ मिनेट पर्खिनु परेको थियो । उसका लागि विदेशी खेलाडी स्टेफनले बराबरी गोल गरे ।
तर, त्यसको तीन मिनेटपछि पाँचथरका सिमान्त थापाले गोल गर्दै पुनः टोलीलाई २–१ ले अग्रता दिलाए । मार्टिन्सले लुम्बिनीका लागि ५३औं मिनेट फ्रिकिकबाट सुन्दर गोल गर्दै खेल बराबरी पुर्याएका थिए । त्यसपछि खेलमा गोल भएन र खेल टाइब्रकेरमा गयो ।
टाइब्रेकरमा पाँचथरले वाजी माार्यो । पाँचथरका लागि अशोक खवास, सुनिल खड्का, मन्जिल खड्का र रोमन भुजेलले गोल गरे । सिमान्त थापाको प्रहार विपक्षी गोलरक्षक मोस्सीले रोके । लुम्बिनीका चन्दन दास, विकास लामा र मार्टिन्सले गोल गरे । जनक कोइरालाको प्रहार पाँचथरका गोलरक्षक प्रमिजय गच्छदारले रोके भने अनिल महर्जनको प्रहार आकाशिएको थियो ।
म्यान अफ दी म्याच पाँचथरका कप्तान रोशन आङदेम्बेले ५ हजार रुपैयाँ र ट्रफी प्राप्त गरे । रेड हर्स फुटबल क्लबको आयोजनामा जारी प्रतियोगिताको पहिलो सेमिफाइनलमा बुधबार ए डिभिजन टोली एनआरटीले आयोजक टोलीको सामना गर्नेछ । गोल्डकप विजेताले उपाधिसहित ५ लाख रुपैयाँ प्राप्त गर्नेछ ।
January 15, 2025
सुमन अधिकारी,बुटवल आयोजक फर्साटिकर फुटबल क्लबले शुद्धोधन गाउँपालिका १२ औँ फर्साटिकर कप फुटबल प्रतियोगिताको उपाधि जितेको छ । फाइनलमा नवलपुरको अभिषेक चर्च व्वाइज फुटबल क्लबलाई बुधवार ट्राइबेकरमा पराजित गर्दै फर्साटिकरले उपाधि जितेको हो। निर्धारित ९० मिनेटको खेल २-२ गोलको बराबरी सकिएपछि खेल ट्राइब्रेकरमा गएको थियो । फर्साटिकरले २-० को अग्रता जोगाउन नसकेपछि उपाधिका लागि टाइब्रेकर […]
January 15, 2025
अर्जुन कार्की, बागलुङ जिल्ला प्रहरी कार्यालय बागलुङ र संकल्प पुर्नस्थापना केन्द्र बुधवार बागलुङमा जारी दोस्रो स्मृति कप फुटबल प्रतियोगिताको सेमिफाइनलमा प्रवेश गरेका छन् । प्रहरीले नेपाली सेनाको श्रीमेहर गणलाई ३-१ र संकल्पले नेपाली सेनाकै नारायण दल गण मुस्ताङलाई ट्राइबेकरमा पराजित गर्दै सेमिफाइनलको यात्रा तय गरेका हुन् । राष्ट्रिय खेलाडीसहित मैदान उत्रिएको प्रहरीको लागि खेलको पाँचौं […]
January 15, 2025
काठमाडौं(हाम्रो खेलकुद) – एन्फा राष्ट्रिय महिला लिगअन्तर्गत अन्तिम चरणमा विभागीय टोली एपिएफ फुटबल क्लबले बागमती युवा क्लबविरुद्ध सहज जित हासिल गरेको छ । सातदोबाटोस्थित एन्फा कम्प्लेक्समा बुधवार भएको खेलमा एपिएफले बागमतीलाई ६-० ले हरायो ।एपिएफको जितमा सरु लिम्बु र रश्मिकुमारी घिसिंङले समान २ र प्रीति राईले १ गोल गरिन् । बागमतीले २ आत्मघाती गोल गर्यो […]