एजेन्सी – ९ खेलाडीमा सिमित किर्गिस्तानमाथि जित निकाल्दै उपाधि दावेदार मध्ये एक साउदी अरेबिया कतारमा जारी एसियन कपको अन्तिम १६ मा प्रवेश गरेको छ ।

लगातार दोस्रो जित निकाल्ने क्रममा २–० को जित निकाल्दै साउदीले अन्तिम १६ मा आफ्नो स्थान पक्का गरेको हो । खेलको नवौं मिनेटमा नै अइजार अक्माटोभले रातो कार्ड पाएपछि किर्गिस्तान दश जनामा सिमित भएको थियो ।

त्यसको फाइदा उठाउँदै ३५औं मिनेटमा साउदीले अग्रता लियो । साउद अब्दुलहामिदको पासमा मोहम्मद कान्नोले गोल गर्दै बलियो मानिएको साउदीले खेलमा अग्रता लियो । ५२औं मिनेटमा किमी मर्कले पनि रातो कार्ड पाएपछि किर्गिस्तान नौं जनामा सिमित भएको थियो ।

तर साउदीले दुई जनाको अग्रता भएपनि दोस्रो गोल गर्दा भने ८४औं मिनेट सम्म कुर्नु परेको थियो । फैसल अल(घाम्दीले गोल गर्दै साउदीको जित सुनिश्चित गरेका थिए ।

समूह एफमा रहेको साउदीको दुई खेलमा ६ अंक भएको छ । दोस्रो स्थानमा रहेको थाइल्याण्डको दुई खेलमा ४ अंक छ । ओमानको १ अंक रहँदा किर्गिस्तान अंकविहिन छ ।

समूह चरणको अन्तिम खेलमा साउदीले बिहीबार थाइल्याण्ड सँग खेल्ने छ भने सोही समयमा ओमान र किर्गिस्तान लनी भिड्ने छन् ।

भोलि देखि समूह चरणका अन्तिम खेलहरु सुरु हुँदै छन् । भोलि समूह ए अन्तर्गत ८स्४५ बजे कतारले चीनको सामना गर्दा ताजिकिस्तान र लेबनान पनि एक अर्कासँग भिड्ने छन् ।

स्मरण रहोस्, हरेक समूह विजेता र उपविजेता सहित उत्कृष्ट चार तेस्रो स्थान हासिल गर्ने टोलीले पनि अन्तिम १६ मा स्थान पक्का गर्ने छन् ।