9 months ago
January 7, 2024
काठमाडौं (हाम्रो खेलकुद)– सहिद स्मारक ‘बी’ डिभिजन क्लब मध्यपुर युथ एसोसियसनलाई कारवाही गर्ने अखिल नेपाल फुटबल संघ (एन्फा) को आफ्नै निर्णयविरुद्ध कार्यसमितिका बहुमत सदस्य एक ठाँउमा उभिएका छन् ।
एन्फा कार्यसमितिको पुस २ गतेको बैठकले मध्यपुरलाई कारवाही गर्ने क्रममा एन्फाले आयोजना गर्ने सम्पूर्ण गतिविधिमा सहभागी नगराउने निर्णय गरेको थियो । एन्फाका वरिष्ठ उपाध्यक्ष, दुई उपाध्यक्ष र सदस्य गरि ११ जना मध्यपुरको कारवाहीविरुद्ध उत्रिएका छन् ।
वरिष्ठ उपाध्यक्ष वीरबहादुर खड्का, उपाध्यक्षद्वय विराटजंग शाही र दीर्घबहादुर केसी, केन्द्रीय सदस्यहरू पेमा डोल्मा लामा रविन्द्र चन्द, रमेश व्यन्जनकार, रुपेश अधिकारी, भोजराज शाही, अनिल मल्ल, मनीष जोशी र मणिराज विष्टले संयुक्त रुपपमा हस्ताक्षर गर्दै मध्यपुरविरुद्धको निर्णयमा असहमती आइतबार एन्फामा दर्ता गराएका छन् । एन्फामा २१ सदस्यीय कार्यसमिति निर्वाचित छ । जसका कारण मध्यपुरविरुद्धको निर्णय अल्पमतमा परेको छ ।
‘मध्यपुर युथ एसोसियसनको निर्णय सम्बन्धमा बचाउको मौका, स्पष्ट कानुनी आधार आदि वेगर पूर्वाग्रहीपूर्ण ढंगले मध्यपुर युथ एसोसिसनलाई कुनै पनि फुटबल खेल गतिविधिमा सहभागीता नगराउने निर्णय एन्फा विधान विपरित छ,’ असहमती पत्रमा भनिएको छ, ‘कार्यसमितिलाई एन्फाको सदस्य क्लबको फुटबल खेल गतिविधिमा सहभागीता हुने अधिकार खोस्ने कानुनी अधिकार छैन । जुन एन्फाको विधानको धारा १४ (१) (ङ) र (च) एन्फा सदस्यहरुको अधिकारमा प्रतियोगितामा भाग लिन र एन्फा गतिविधि सम्बन्धमा अधिकार सम्बन्धि सुनिश्चित गरेको छ ।’
एन्फाको विधान र प्रचलित व्यवस्था अनुरुप मध्यपुरको हकमा भएको निर्णयमा आफूहरुको असहमती रहेको भन्दै केन्द्रीय समितिका ११ जनो बदर गर्न अनुरोध गरेका छन् । दुई साता अघि मध्यपुरविरुद्धको निर्णय यथाशीघ्र फिर्ता नगरे सम्म बी डिभिजन क्लबहरुले एन्फाले आयोजना गर्ने कुनै पनि गतिविधिमा भाग नलिने धम्की दिएका थिए ।
बी डिभिजन संयोजक कुमार राजभण्डारीको नेतृत्वमा बीका १४ मध्ये १२ क्लबका प्रतिनिधिको मध्यपुर माथि को कारवाही यथाशीघ्र सच्चाउन माग गरेको थियो । एन्फाको विशेष साधारण सभा रोक्न मध्यपुर अदालत गएको कारण देखाउँदै एन्फाले कारवाही गरेको थियो ।
मध्पयुरका सह सचिव सुनिल श्रेष्ठले एन्फा अध्यक्ष पंकजविक्रम नेम्बाङसहित महासचिव किरण राई र र प्रवक्ता सरेश शाहलाई विपक्षी बनाई असोज २५ गते रिट दायर गरेका थिए । पाटन उच्च अदालतले कात्तिक १६ गते अन्तरिम आदेश जारी नहुने आदेश गरेपछि कात्तिक २३ गते एन्फाको विशेष साधारण सभा हेटौडा भएको थियो ।
October 17, 2024
काठमाडौं (हाम्रो खेलकुद) – साफ महिला च्याम्पियनसिप अन्तर्गत उद्घाटन खेलमा भारतले पाकिस्तानमाथि जित दर्ता गर्दै विजयी सुरुवात गरेको छ । दशरथ रंगशालामा भारतले ५-२ को जित दर्ता गर्दै महत्त्वपूर्ण ३ अंक जोडेको छ । भारतले सुरुवाती समयमै गोल गर्दै सानदार सुरुवात गरेको थियो । पहिलो हाफमै एक समय ४-० को अग्रतामा रहेको भारत दोस्रो हाफमा […]
October 17, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत उद्घाटन खेलको पहिलो हाफमा भारतले पाकिस्तानविरुद्ध ४ गोल गरेको छ । दशरथ रंगशालामा जारी खेलमा भारतले पहिलो हाफमा ४-१ को अग्रता लिएको छ । खेलको सुरुवातदेखि आक्रमण बुनेको भारतले १७ मिनेटमै २ गोल गरेको थियो । गोलरक्षक निशा अशरफले गल्ती गर्दा भारतले सहजै अग्रता बढाएको थियो […]
October 17, 2024
सन्जोग चाम्लिङ राई प्राकृतिक विपत्तिले धेरै जनधनको क्षति भएको सबैलाई विदितै छ । दुर्भाग्य हो, ६ जना बाल फुटबल खेलाडीहरुलाई पनि यसपालीको विपत्तिले छोडेन । उनीहरुको सपनाको पनि मृत्यु भयो । नेपाली फुटबलले सम्भावित राष्ट्रिय टिमको खेलाडीहरु गुमायो । उनीहरुप्रति श्रद्धासुमन । पंक्तिकारमा संशय छैन, एन्फा महासचिवको तलब १० हजार डलर हुनु पर्छ । त्यसैगरी […]
