8 months ago
January 7, 2024
काठमाडौं (हाम्रो खेलकुद)- अखिल नेपाल फुटबल संघ (एन्फा) को आन्तरिक विवाद समाधान भन्दा थपिदै गएको छ।
पुस २ गते बसेको केन्द्रीय कार्यसमितिको निर्णयप्रति ३ पदाधिकारीसहित केन्द्रीय समितिका ९ जनाले असहमति जनाउँदै आइतबार ‘नोट अफ डिसेन्ट’ को पत्र एन्फामा दर्ता गराएका छन्। उनीहरूले १४ बुँदामा असहमति रहेको एन्फालाई बुझाएको पत्रमा उल्लेख छ।
वरिष्ठ उपाध्यक्ष वीरबहादुर खड्कासहित उपाध्यक्षद्वय विराटजंग शाही र दीर्घबहादुर केसी, केन्द्रीय सदस्यहरू पेमा डोल्मा लामा रविन्द्र चन्द, रमेश व्यन्जनकार, रुपेश अधिकारी, भोजराज शाही, अनिल मल्लले आइतबार एन्फा सचिवालयमा नोट अफ डिसेन्ट दर्ता गराएका हुन्।
नोट अफ डिसेन्ट पत्रमा टिकट विक्रीको विवरण कार्यसमितिलाई जानकारी नगराइ अनुमोदन गरेको, कार्यसमितिमा निर्णय नगराइ टिकट मूल्य र पास वितरण गरेको, राष्ट्रिय लिगमा सहभागी क्लबको अधिकार हनन गरेको, ५० हजार डलरको सामग्री खरिद टेन्डरबाट नगरेको, खरिद प्रक्रिया स्वेच्छाचारी ढंगले गरेको, कुनै कार्ययोजना बिना डिटेल प्रदान गरेको आरोप छ ।
त्यस्तै एन्फा महासचिव पदपूर्ति समितिको पदेन सदस्य हुने व्यवस्था भए पनि महासचिवलाई संयोजक बनाएको, खरिद समिति र मूल्यांकन समितिमा कर्मचारीलाई राखेको, कर्मचारीको सम्झौता अवधि बाँकी रहँदा हटाएकोलगायतका विषयमा नोट अफ डिसेन्ट राखेका
छन्।
बैठकमा विशेष साधारण सभाको खर्चका बारेमा छलफल समेत नगरि एकै पटक ४४ लाख रुपैयाँ खर्च भएको निर्णय प्रतिमा भने उल्लेख गरिएको एन्फा पदाधिकारीले आरोप लगाएका छन् ।
एन्फा महासचिव किरण राईकी भान्जी एमबिबिएस उतिर्ण गरेकी ज्योती राई लाई विना छलफल
राष्ट्रिय महिला टोलीको मेडिकल कन्सल्टेन्ट नियुक्त गर्नुलाई असहमत पक्षले कन्फ्लिक्ट अफ इन्ट्रेस्टकासाथै
खेलाडीहरुको स्वास्थ्यमा समेत हेलचेक्र्याई भएको जनाएका छन् ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]