एजेन्सी – इंग्लिस प्रिमियर लिगमा शनिबार म्यानचेस्टर युनाईटेडले हार बेहोरेको छ । वेस्ट ह्यामले आफ्नो मैदान लन्डन स्टेडियममा युनाइटेड २–० ले पराजित गरेको छ । वेस्ट ह्यामको जितमा जारेड बोवेन र मोहम्मद कुडुसले समान १ गोल गरे ।

बोवेनले ७२ औं मिनेटमा गोल गर्दै टोलीलाई अग्रता दिलाएका थिए । लुकस पाकेटाको सुन्दर लामो पासपछि उनले बल नियन्त्रणमा लिएर प्रहार गर्दा ओनानाले बचाएका थिए । तर उनको बचाउ पछि बल बावेनलाई नै लागेर गोलपोस्ट गोल भएको थियो ।

७८ औं मिनेटमा कोबि मैनुुको गल्ती पश्चात पाकेटाले मैदानको मध्यभाग बाट बल लिएर दौडिएपछि उनले दिएको पासमा कुडुसले गोल गर्दै जित निश्चित गरे । त्यसअघि खेलमा दुबै टोलीले गोलका लागि अवसर बनााउन सकेनन् । ३५औं मिनेटमा युनाइटेडका अलेहान्द्रो गार्नाचोले वान अन वान अवसरमा प्रहार गरेको बल विपक्षी गोलरक्षक अल्फोन्सो आरिओलालाई लाग्न पुग्यो ।

५६औं मिनेटमा बावेनको हेडर ओनानाले रोके । ६९औं मिनेटमा लुक शको क्रस कर्ट जुमाले बचाए । युनाइटेडले यो सिजन सबै प्रतियोगितामा गरि खेलेका २६ मध्ये १३ खेलमा हार बेहोरेको छ । नाइटेडले लिगका १८ खेलमा ९ जित, १ बराबरी र ८ हारका साथ २८ अंकका साथ आठौं स्थानमा छ ।

वेस्ट ह्यामले १८ खेलमा ९ जित, ३ बराबरी र ६ हार सहित ३० अंक जोडेर छैठौं स्थानमा उक्लिएको छ । शीर्षस्थानको आर्सनल र तेस्रो स्थानको लिभरपुलबीच आज प्रतिस्पर्धा हुनेछ । १७ खेलमा आर्सनलको ३९ अंक र लिभरपुलको ३८ अंक छ । एक खेल बढी खेलेको एस्टन भिल्ला ३९ अंकका साथ दोस्रो स्थानमा छ ।