काठमाडौं (हाम्रो खेलकुद) – राष्ट्रिय फुटबल टोलीबाट डेब्यूका लागि दशक लामो प्रतीक्षा गरेका गोलकिपर विशाल श्रेष्ठले अन्तर्राष्ट्रिय फुटबलबाट सन्यासके घोषणा गरेका छन् ।

नेपाल सुपर लिग (एनएसएल) को दोस्रो संस्करणमा टोली अन्तिम खेलपछि एफसी चितवनको कप्तानी समेत गरेको विशालले अन्तर्राष्ट्रिय खेलबाट सन्यासको घोषणा गरेका हुन् । ‘साफ च्यम्पियनसिप पछि नै राष्ट्रिय टोलीबाट नखेल्ने सोच बनाएको थिए,’ शुक्रबार म्यान अफ दी म्याच घोषित विशालले भने, ‘अब नयाँ पुस्ताका लागि पनि ठाँउ दिनुपर्छ भन्ने सोचे । नियमित लिग भयो भने क्लब फुटबल केहि समय खेल्ने सोच छ ।’

परिवार, साथीभाई शुभचिन्तकहरुको साथका कारण लामो समय राष्ट्रिय टोलीबाट मौका नपाउँदा पनि धर्यता राख्नलाई मनोबल बढाइराखेको उनले सुनाए । ‘म त्यस्तो बेला टोलीमा परेको थिए । त्यति बेला किरण चेम्जोङ, रितेश थापा,विकास मल्ल टोलीमा हुनुहुन्थ्यो,’ उनले स्मरण गरे, ‘त्यो बेला मलाई चौथो किपरको रुपमा तत्कालिन ग्राहम रोबर्टसले मौका दिनुभएको थियो ।’

डेब्यूका लागि दश वर्ष प्रतीक्षा गर्नुपरेपनि विशाललाई त्यसमा खासै गुनासो देखिन । ‘धेरै कुनुपर्यो । तर पनि २०२१ को सेप्टेम्बरमा यहि मैदानमा डेब्यूको मौका पाए । त्यो मेरो लागि अविष्मरणीय दिन थियो,’ उनले भने, ‘आफूले खेल्ने अवसर नपाउँदा पनि मैले आफूलाई अलग सोच्नु परेर । सिनियर र समकालिन साथीहरुको सधै साथ पाए। म यति बेला सबैलाई धन्यवाद दिन चहान्छु ।’

सन् २०११ मा पहिलो पटक राष्ट्रिय टोलीमा प्रवेश पाएका विशालले २०२१ सेप्टेम्बर ५ मा भारतविरुद्ध परिवर्तित खेलाडीका रुपमा डेब्यूको अवसर पाएका थिए । दशरथ रंगशाला भारतविरुद्ध भएको दोस्रो मैत्रीपूर्ण खेललमा कप्तान एवंम् गोलकिपर किरण चेम्जोङको ठाँउमा ८६ औं मिनेटमा मैदान छिरेपछि राष्ट्रिय टोली डेब्यु गर्ने उनको सपनाले मूर्तरुप लिएको थियो ।

राष्ट्रिय टोलीबाट धेरै मौका नपाएका विशाल घरेलु फुटबलका सफल गोलकिपरमा पर्छन् । मनाङ मस्र्याङ्दी क्लबबाट ए डिभिजन लिग जितेका उनी दुई पटक मछिन्द्र क्लबबाट दुई पटक च्याम्पियन बने ।